Breaking | Feedback | ePratibha | E-PAPER | Pratibha

IPL తిరిగి ప్రారంభమైనా ఆడడం కష్టం: స్టోక్స్‌

కరోనా కేసుల కారణంగా అర్ధాంతరంగా నిలిచిపోయిన ఐపీఎల్‌ 14వ సీజన్‌ తిరిగి ప్రారంభమైనప్పుడు ఇంగ్లాండ్‌ ఆటగాళ్లు అప్పుడు ఆడటం కష్టమని ఆ జట్టు ప్రధాన ఆల్‌రౌండర్‌ బెన్‌స్టోక్స్‌ అన్నాడు...

Published : 14 May 2021 01:17 IST

ఇంటర్నెట్‌డెస్క్‌: కరోనా కేసుల కారణంగా అర్ధాంతరంగా నిలిచిపోయిన ఐపీఎల్‌ 14వ సీజన్‌ తిరిగిమయినా ఆ షెడ్యూల్‌లో ఇంగ్లాండ్‌ ఆటగాళ్లు ఆడటం కష్టమేనని ఆ జట్టు ప్రధాన ఆల్‌రౌండర్‌ బెన్‌స్టోక్స్‌ అన్నాడు. రాజస్థాన్‌ రాయల్స్‌కు ప్రాతినిధ్యం వహిస్తున్న స్టోక్స్‌.. ఈ సీజన్‌లో పంజాబ్‌తో తలపడిన మ్యాచ్‌లోనే గాయం కారణంగా మిగతా మ్యాచ్‌లకు దూరమయ్యాడు. ఈ క్రమంలోనే స్వదేశానికి చేరుకొని శస్త్రచికిత్స చేయించుకున్నాడు. ఐపీఎల్‌ వాయిదాపై ఓ అంతర్జాతీయ పత్రికలో తన కాలమ్‌లో పైవిధంగా స్పందించాడు.

‘‘టోర్నమెంట్‌ తిరిగి ఎప్పుడు నిర్వహిస్తారనేది మాకు తెలియదు. అయితే, ఈసీబీ చెప్పినట్లు మా ఇంగ్లాండ్‌ ఆటగాళ్లకు విశ్రాంతి సమయం దొరకడం చాలా కష్టం. ఈ ఏడాది గడిచాక ఏదో ఒక సమయంలో పూర్తిస్థాయి ఐపీఎల్‌ ఆడటానికి నేను ఆసక్తిగా ఎదురుచూస్తున్నా’’ అని స్టోక్స్‌ రాసుకొచ్చాడు. అలాగే ఈ సీజన్‌లో తాను ఆదిలోనే రాజస్థాన్‌ రాయల్స్‌ ఆటగాళ్లని వీడిపోవడం బాధగా అనిపించినా.. టోర్నీ నిలిచిపోయాక ప్రతి ఒక్కరూ తమ కుటుంబాలను త్వరగా కలుసుకున్నారని స్టోక్స్‌ పేర్కొన్నాడు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.