Tokyo Olympics: టోక్యో పారాలింపిక్స్‌లో ఐఏఎస్‌

దిల్లీ: టోక్యో పారాలింపిక్స్‌లో భారత్‌ తరఫున ఓ ఐఏఎస్‌ అధికారి బరిలో నిలిచారు. నొయిడా జిల్లా మెజిస్ట్రేట్‌ సుహాస్‌ యతిరాజ్‌.. పారా బ్యాడ్మింటన్‌లో పోటీపడేందుకు అర్హత సాధించారు. గతంలో ఆసియా పారా బ్యాడ్మింటన్‌లో కాంస్యం గెలిచిన సుహాస్‌.. కరోనా సమయంలో 16 నెలల పాటు సేవలందించారు. ‘‘నొయిడా జిల్లా మెజిస్ట్రేట్‌గా కరోనా సమయంలో చాలా సవాళ్లు ఎదుర్కొన్నా. కానీ ఈ సమయంలోనూ శిక్షణ మాత్రం ఆపలేదు. త్వరలో జరిగే పారాలింపిక్స్‌లో పతకం సాధించడమే లక్ష్యంగా బరిలో దిగుతున్నా’’ అని సుహాస్‌ చెప్పారు. ఆగస్టు 24న టోక్యో పారాలింపిక్స్‌ ప్రారంభమవుతున్నాయి.