అలా అయితే ద్వైపాక్షిక సిరీస్‌లకు దెబ్బే: బార్క్‌లె

ముంబయి: భారత క్రికెట్‌ లీగ్‌ లాంటి టీ20 టోర్నీల్లో మ్యాచ్‌ల సంఖ్యను పెంచుకుంటూ పోతే అంతర్జాతీయ ద్వైపాక్షిక సిరీస్‌లు కుచించుకుపోతాయని ఐసీసీ ఛైర్మన్‌ గ్రెగ్‌ బార్క్‌లె అన్నాడు. ఈ సీజన్‌లో 10 జట్లు ఆడుతుండడంతో మ్యాచ్‌లు 60 నుంచి 74కు పెరిగిన నేపథ్యంలో అతడిలా వ్యాఖ్యానించాడు. ‘‘ భారత టీ20 లీగ్‌ మ్యాచ్‌ల సంఖ్య పెరగడం వల్ల అంతర్జాతీయ మ్యాచ్‌ల షెడ్యూల్‌ కుచించుకుపోతుంది. ఐసీసీ టోర్నీలు ప్రతి ఏడాది ఉండవు కాబట్టి ఫర్వాలేదు. కానీ నష్టపోయేది ద్వైపాక్షిక సిరీస్‌లే. కానీ వ్యక్తిగతం నేను ఈ మెగా టోర్నీ ఇష్టపడతాను’’ అని బార్క్‌లె చెప్పాడు.