Updated : 22/06/2021 18:27 IST

WTC Final: పోటీలోకొచ్చిన టీమ్‌ఇండియా 

మూడు వికెట్లు పడగొట్టిన షమి, ఇషాంత్‌..

ఇంటర్నెట్‌డెస్క్‌: ప్రపంచ టెస్టు ఛాంపియన్‌షిప్‌ ఫైనల్లో వర్షం కారణంగా ఐదోరోజు ఆట గంట ఆలస్యంగా ప్రారంభమైనా టీమ్‌ఇండియా తొలి సెషన్‌లో 3 వికెట్లతో న్యూజిలాండ్‌పై పైచేయి సాధించింది. మరోవైపు ఆ జట్టు 33 పరుగులే సాధించి నెమ్మదిగా ఇన్నింగ్స్‌ కొనసాగిస్తోంది. ఈ క్రమంలోనే భోజన విరామ సమయానికి న్యూజిలాండ్‌ స్కోర్‌ 135/5గా నమోదైంది. విలియమ్సన్‌(19), గ్రాండ్‌హోమ్‌(0) క్రీజులో ఉన్నారు.

అంతకుముందు 101/2 ఓవర్‌నైట్ స్కోరుతో మంగళవారం ఆట కొనసాగించిన విలియమ్సన్‌, రాస్‌టేలర్‌ చాలాసేపు వికెట్లు కాపాడుకునే ప్రయత్నం చేశారు. ఈ క్రమంలోనే భారత పేసర్లను సమర్థంగా ఎదుర్కొంటూ నెమ్మదిగా పరుగులు తీశారు. అయితే, జట్టు స్కోర్‌ 117 పరుగుల వద్ద షమి బౌలింగ్‌లో రాస్‌టేలర్‌(11) శుభ్‌మన్‌ చేతికి చిక్కడంతో కివీస్‌ మూడో వికెట్‌ కోల్పోయింది. తర్వాత భోజన విరామానికి ముందు వరుస ఓవర్లలో ఇషాంత్‌..హెన్రీ నికోల్స్‌(7)ను, షమి.. జేబీ వాట్లింగ్‌(1)ను పెవిలియన్‌ పంపారు. దాంతో ఒక్కసారిగా టీమ్‌ఇండియా మళ్లీ పోటీలోకి వచ్చింది. తొలి ఇన్నింగ్స్‌లో న్యూజిలాండ్‌ భారత్‌కన్నా 82 పరుగుల వెనుకంజలో కొనసాగుతోంది.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని