INDvsSL: బంతులేస్తే వికెట్లు పడాల్సిందే!
టీమ్ఇండియా, శ్రీలంక జట్లు మరికొద్ది రోజుల్లో పరిమిత ఓవర్ల సిరీసులు ఆడేందుకు సిద్ధపడుతున్నాయి. దాంతో ఆటగాళ్లంతా కఠినమైన బయోబుడగలో ఉంటూ తమ సాధన కొనసాగిస్తున్నారు...
భారత్ X శ్రీలంక జట్ల మధ్య అత్యధిక వికెట్ల వీరులు..
టీమ్ఇండియా, శ్రీలంక జట్లు మరికొద్ది రోజుల్లో పరిమిత ఓవర్ల సిరీసులు ఆడేందుకు సిద్ధపడుతున్నాయి. దాంతో ఆటగాళ్లంతా కఠినమైన బయోబుడగలో ఉంటూ తమ సాధన కొనసాగిస్తున్నారు. భారత జట్టు యువ ఆటగాళ్లతో కళకళలాడుతుండగా లంక తమ అనుభవజ్ఞులతో బరిలోకి దిగనుంది. అయితే, ప్రస్తుత పరిస్థితుల్లో టీమ్ఇండియా ఫేవరెట్గా కనిపిస్తున్నా సొంత గడ్డపై లంకను తక్కువ అంచనా వేయకూడదు. ఇలాంటి పరిస్థితుల్లో టీమ్ఇండియా విజయం సాధించాలంటే బ్యాట్స్మెన్తో పాటు బౌలర్లూ రాణించాలి. అలా ఇరు జట్ల మధ్య ఇదివరకు చెలరేగి మ్యాచ్ విన్నర్లుగా ఎదిగిన టాప్ బౌలర్ల గురించి మనమిప్పుడు తెలుసుకుందాం..
ముత్తయ్య ముందు..
క్రికెట్లో ముత్తయ్య మురళీధరన్ అంటే తెలియనివారుండరు. అతని స్పిన్ బౌలింగ్కు బోల్తాపడని జట్టుండదు! బ్యాటింగ్లో సచిన్ ఎలాగో బౌలింగ్లో ఈ శ్రీలంక మాజీ స్పిన్నర్ అలాగ. అంతర్జాతీయ క్రికెట్లో 800 వికెట్లు తీసి బౌలింగ్లో ఏకఛత్రాధిపతిగా నిలిచాడు. ఈ క్రమంలోనే స్పిన్ బౌలింగ్ను అలవోకగా ఆడే టీమ్ఇండియాను సైతం అతడు గడగడలాడించాడు. భారత్తో మొత్తం 63 మ్యాచ్లాడి 74 వికెట్లు సాధించాడు. దాంతో ఇరు జట్ల మధ్య అత్యధిక వికెట్లు తీసిన బౌలర్గా టాప్లో నిలిచాడు. టీమ్ఇండియాపై సగటు 31.78 కాగా, అత్యుత్తమ గణాంకాలు 7/30గా నమోదయ్యాయి.
చమిందా తర్వాత..
భారత్, శ్రీలంక జట్ల మధ్య మురళీధరన్ తర్వాత అంత గొప్ప గణంకాలు నమోదు చేసింది చమిందా వాస్. ఈ లంక మాజీ పేసర్ తనదైన బౌలింగ్తో ఎన్నో జట్లను ఒంటిచేత్తో చిత్తు చేశాడు. అతడు బౌలింగ్ చేయడానికి వస్తే ఏ బ్యాట్స్మన్ అయినా జాగ్రత్తపడాల్సిందే లేదా పరుగులు చెయ్యడానికి సాహసం చెయ్యాల్సిందే. ఈ క్రమంలోనే టీమ్ఇండియాతో 61 మ్యాచ్లాడిన అతడు 70 వికెట్లు సాధించాడు. దాంతో ఇరు జట్ల మధ్య అత్యధిక వికెట్లు తీసిన రెండో బౌలర్గా నిలిచాడు. భారత్పై అతడి సగటు 31.61గా నమోదవ్వగా అత్యుతమ గణాంకాలు 5/14గా నమోదయ్యాయి.
జహీర్ @ మూడు..
టీమ్ఇండియా పేస్ బౌలింగ్కే వన్నె తెచ్చిన బౌలర్ జహీర్ఖాన్. 14 ఏళ్ల అంతర్జాతీయ కెరీర్లో అధికశాతం ప్రధాన బౌలర్గానే సేవలందించాడు. డెత్ ఓవర్ల స్పెషలిస్టుగా, ఓపెనర్లను బెంబేలెత్తించే బౌలర్గా ప్రత్యేక గుర్తింపు సాధించాడు. ఈ క్రమంలోనే ఫాస్ట్ బౌలింగ్లో తనదైన ముద్ర వేశాడు. అలా శ్రీలంకతో ఆడిన 48 మ్యాచ్ల్లో జహీర్ 66 వికెట్లు సాధించాడు. దాంతో ఇరు జట్ల మధ్య అత్యధిక వికెట్లు తీసిన మూడో బౌలర్గా నిలిచాడు. లంకపై అతడి సగటు 32.19గా నమోదవ్వగా, అత్యుత్తమ గణాంకాలు 5/42గా నమోదయ్యాయి.
భజ్జీ ఊరుకుంటాడా..
ఇక టీమ్ఇండియా వెటరన్ స్పిన్నర్ హర్భజన్ సింగ్ సైతం లంకపై తన ప్రతాపం చూపించినవాడే. అతడి స్పిన్ మాయాజాలం గురించి అందరికీ తెలిసిందే. కీలక సమయాల్లో వికెట్లు తీస్తూ భారత జట్టుకు ఊరట కలిగించడంలో ముందు వరుసలో ఉంటాడు ఈ ఆఫ్స్పిన్నర్. అలా శ్రీలంకతో ఆడిన 47 మ్యాచ్ల్లో 61 వికెట్లు సాధించాడు. దాంతో జహీర్ తర్వాత టీమ్ఇండియా తరఫున అత్యధిక వికెట్లు తీసిన రెండో బౌలర్గా, మొత్తంగా నాలుగో బౌలర్గా రికార్డులకెక్కాడు. లంకపై భజ్జీ సగటు 26.95గా నమోదవ్వగా, అత్యుత్తమ గణాంకాలు 5/56గా నమోదయ్యాయి.
అగార్కర్ సాధించాడుగా..
శ్రీలంకపై చెలరేగిన మరో టీమ్ఇండియా ఆణిముత్యం అజిత్ అగార్కర్. అతడు ప్రశాంతంగా కనిపిస్తూనే తనదైన దూకుడు చూపించాడు. తొమ్మిదేళ్ల అంతర్జాతీయ కెరీర్లో లంకపై మొత్తం 25 మ్యాచ్లాడిన ముంబయి పేసర్ 49 వికెట్లతో చెలరేగాడు. దాంతో ఇరు జట్ల మధ్య అత్యధిక వికెట్లు తీసిన ఐదో బౌలర్గా ఇప్పటికీ కొనసాగుతున్నాడు. లంకపై అతడి సగటు 20.61గా నమోదవ్వగా, అత్యుత్తమ గణాంకాలు 5/44గా నమోదయ్యాయి.
* వీరిని గుర్తు చేసుకుంటే భారత యువ పేసర్లు సైతం రాబోయే సిరీసుల్లో రాణించే అవకాశం ఉంది. ఈ పర్యటనకు భువనేశ్వర్ ఒక్కడే అనుభవజ్ఞుడైన బౌలర్గా కనిపిస్తున్నాడు. మరోవైపు కుల్దీప్, చాహల్ వంటి స్పిన్నర్లున్నా లంకతో ఎక్కువ మ్యాచ్లు ఆడిన అనుభవం లేదు. దాంతో వీరు కూడా గత ఛాంపియన్ల నుంచి స్ఫూర్తిపొంది ఈ పర్యటనలో రాణించాలని కోరుకుందాం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
చెన్నై కెప్టెన్ రుతురాజ్ సెంచరీతో అలరించినా.. లఖ్నవూ జట్టే విజయం సాధించింది. మార్కస్ స్టాయినిస్ కీలకమైన శతకంతో తన జట్టును గెలిపించాడు. -
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
మనసుకీ వ్యాయామం ముఖ్యమే.. వేదాంత అధిపతి హెల్త్ టిప్స్
-
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
-
సుప్రీం సీరియస్.. మరోసారి పతంజలి బహిరంగ క్షమాపణలు
-
వేడుకగా ‘ఆదికేశవ’ నటి వివాహం.. ఫొటో వైరల్
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
-
బతిమాలినా..భయపెట్టినా.. ఉండేదేలే..!