నువ్వో యోగి.. క్రికెట్ విరాగి!
అంతర్జాతీయ క్రికెట్లో ఎంతోమంది ఎన్నో విధాలుగా తమదైన ముద్ర వేశారు. పరుగులు చేయడంలో బ్యాట్స్మన్, బంతులు విసరడంలో బౌలర్ నైపుణ్యం సాధిస్తారు. ఇక ఆల్రౌండర్లు రెండింట్లోనూ రాణిస్తారు. స్పెషలిస్టు కీపర్లైతే స్టంపింగులు చేయడంలో ...
బహుముఖ పాత్రల్లో ఒదిగిపోయిన ధోనీ
అంతర్జాతీయ క్రికెట్లో ఎంతోమంది ఎన్నో విధాలుగా తమదైన ముద్ర వేశారు. పరుగులు చేయడంలో బ్యాట్స్మన్, బంతులు విసరడంలో బౌలర్ నైపుణ్యం సాధిస్తారు. ఇక ఆల్రౌండర్లు రెండింట్లోనూ రాణిస్తారు. స్పెషలిస్టు కీపర్లైతే స్టంపింగులు చేయడంలో క్యాచులు అందుకోవడంలో ఆరితేరి ఉంటారు. కొందరు మాత్రమే నాయకత్వంలో మెరుస్తారు. టీమ్ఇండియా మాజీ సారథి ఎంఎస్ ధోనీ మాత్రం అందరికీ భిన్నంగా అన్నింటా రాణించాడు. ఎందుకంటే అతడో మేధావి! నాయకుడు! స్నేహితుడు! విరాగి! యోగి!?
క్రికెట్ మేధావి
మ్యాచ్ పరిస్థితులను అధ్యయనం చేయడంలో మహేంద్రుడు దిట్ట! తెలివైన చదరంగ నిపుణులు ప్రత్యర్థి చేత ఎలాంటి ఎత్తులు వేయించి ఓడించాలో ముందే ప్రణాళిక సిద్ధం చేసుకుంటారు. మనోఫలకంపై ముద్రించుకున్న మేరకే పావులు కదుపుతారు. మహీ కూడా అంతే. ఆడేది 20 లేదా 50 ఓవర్లైనా ప్రత్యర్థి చేత ఏం చేయించి ఓడించాలో ముందే ఊహిస్తాడు. ఆటలో ఎప్పుడేం చేయాలో అతడికి బాగా తెలుసు! క్రీజులో ఉన్న బ్యాట్స్మన్ను ఎలా బోల్తా కొట్టించాలో, బౌలర్పై ఎలా ఒత్తిడి పెంచాలో తెలుసు. అనూహ్యంగా ఆఖరి ఓవర్లను సాధారణ బౌలర్లతో వేయించి విజయాలెన్నో అందించిన ఘటనలు మనం చూశాం. చెపాక్లో మేఘాలను చూసి వర్షం ఎన్ని ఓవర్ల సమయంలో పడుతుందో అంచనా వేయగల సామర్థ్యం అతడి సొంతం. క్రికెట్ నియమావళిపై అతడికున్న అవగాహన సమకాలీన క్రికెటర్లలో ఎవ్వరికీ లేదని ఘంటాపథంగా చెప్పొచ్చు.
తెలివైన బ్యాట్స్మన్
బ్యాట్స్మన్గా మహీ శైలి ప్రత్యేకం. వన్డౌన్ నుంచి ఏడో స్థానం వరకు ఆడినా వన్డేల్లో పదివేల పరుగులు చేశాడు. కెరీర్ మొదట్లో క్రీజులోకి అడుగుపెట్టిన క్షణం నుంచి వీరబాదుడు బాదేవాడు. ఆఖరి వరకే అలాగే దంచేవాడు. ఆ తర్వాత శైలి మార్చాడు. మొదటి నాలుగు వికెట్లు పడ్డప్పుడు ప్రశాంతంగా ఆడటం మొదలుపెట్టాడు. సింగిల్స్ లేదా డబుల్స్కే పరిమితం అయ్యేవాడు. రన్రేట్పై కచ్చితమైన అంచనాతో ఉండేవాడు. రన్రేట్ తగ్గుతుందేమో అన్నప్పుడు ధనాధన్ సిక్సర్ బాదేసి మళ్లీ సింగిల్స్ మొదలెట్టేవాడు. దాంతో బౌలర్లకే ఏం చేయాలో తోచేది కాదు. అందుకే అతడు ఆఖరి ఓవర్లో క్రీజులో ఉండి చేయాల్సిన పరుగులు ఎక్కువే ఉన్నా ఒత్తిడి బౌలర్పైనే ఉండేది. అతడు క్రీజులో ఉంటే అదో ధైర్యం!
బౌలర్ను మించిన బౌలర్
టీమ్ఇండియా బౌలింగ్పై ధోనీది చెరగని ముద్రే. అదేంటీ అతడు వేసింది ఒకటో రెండో ఓవర్లే కదా అంటారా! పిచ్, వాతావరణాన్ని అధ్యయనం చేయడంలో మహీ దిట్ట అని తెలుసు. అయితే ప్రత్యర్థి బ్యాట్స్మెన్ బలాబలాలు, వారి ఆటతీరు, వారి బ్యాటింగ్ శైలిపైనా అతడికి మంచి అవగాహన ఉంటుంది. అందుకే దీపక్చాహర్ లాంటి అనుభవం లేని పేసర్ను తీసుకొని నిషేధం తర్వాత ఐపీఎల్ ట్రోఫీ అందించగలిగాడు. ఏ బ్యాట్స్మెన్కు ఎక్కడ? ఎలా? బంతులు వేయాలో మహీ చెప్తాడు. బౌలర్లు ఆ సూచనను పాటిస్తే చాలు. సాధారణ బౌలర్తోనూ అతడు అద్భుతాలు చేయిస్తాడు. బౌలింగ్పై ధోనీ ప్రభావమేంటో కుల్దీప్ యాదవ్, యుజువేంద్ర చాహల్ను అడిగితే బాగా చెప్తారు. ఇక బంగ్లాదేశ్తో టీ20 మ్యాచులో ఓటమి అంచున నిలిచిన జట్టును హార్దిక్ పాండ్యతో ఆఖరి ఓవర్ వేయించి గెలిపించిన తీరు ఎప్పటికీ గుర్తుంటుంది.
సాటిలేని కీపర్
ఇక మహేంద్రుడి బలమే వికెట్ కీపింగ్. కెరీర్ తొలినాళ్లలో అనుభవలేమితో ఇబ్బందులు పడ్డా కాలం గడిచే కొద్దీ ప్రపంచంలోనే అత్యుత్తమ వికెట్ కీపర్గా అవతరించాడు. ఒకప్పుడు ఒకటో రెండో బంతులు వదిలేసిన అతడు బంతి గింగిరాలు తిరిగి వికెట్ల పక్కనుంచి పోతుందేమోనని కాళ్లు పక్కకు చాపి ఆపగలిగే స్థితికి చేరుకున్నాడు. మైక్రో సెకన్లలో వ్యవధిలో అతడు స్టంపింగులు చేస్తాడు. 350 వన్డేల్లో ఏకంగా 123 స్టంపులు చేశాడు. ఇందులో ముప్పావు శాతం 0.08-0.10 సెకన్లలోనే చేసినవి. స్టంపింగ్ చేశాక ధోనీ ఆత్మవిశ్వాసం చూసి అంపైర్లు ఔటిచ్చిన సందర్భాలు అనేకం ఉన్నాయి. కీపర్గా అతడి గురించి ఎంత చెప్పుకున్నా తక్కువే అవుతుంది.
మెచ్చిన నాయకుడు
ఏదేమైనా ధోనీ ప్రపంచం మెచ్చిన నాయకుడు! గ్రెగ్ ఛాపెల్ దెబ్బకు కకావికలమై 2007 వన్డే ప్రపంచకప్లో పాతాళానికి చేరుకున్న టీమ్ఇండియాను అతడు తీర్చిదిద్దిన విధానం అద్భుతం. పగ్గాలు అందుకోగానే యువకులు, సీనియర్లతో కూడిన జట్టుతో అరంగేట్ర టీ20 ప్రపంచకప్ అందించాడు. టెస్టుల్లో అగ్రస్థానానికి చేర్చాడు. ఆసియాకప్లు ముద్దాడాడు. 2011లో యువీ సహకారంతో వన్డే ప్రపంచకప్ను కైవసం చేసుకున్నాడు. భారతీయుల సుదీర్ఘమైన ఎదురుచూపులకు ముగింపు పలికాడు. ఛాంపియన్స్ ట్రోఫీ గెలిచి ఐసీసీ టోర్నీలన్నీ గెలిచిన ఏకైక కెప్టెన్గా అవతరించాడు. చిత్రవిచిత్ర వ్యూహాలతో ప్రత్యర్థులను దెబ్బకొట్టాడు. తనకు ఇష్టమైన రైనా, కోహ్లీ వంటి యువ క్రికెటర్లకు అండగా నిలిచాడు. మొదట్లో డీఆర్ఎస్ను ఇష్టపడని అతడు ఆ తర్వాత దాన్ని ధోనీ రివ్యూ సిస్టమ్ అనేట్టుగా మార్చాడు.
ప్రాణమిచ్చే స్నేహితుడు
మహీ స్నేహానికి ప్రాణమిస్తాడు! చెన్నై సూపర్కింగ్స్ జట్టు విజయాలకు కారణమిదే. మిత్రుడిగా మెలగని నాయకుడు బృందస్ఫూర్తిని రగిలించలేడు. ధోనీ వీడ్కోలు ప్రకటించిన వెంటనే రైనా కూడా అంతర్జాతీయ క్రికెట్కు గుడ్బై చెప్పాడంటే కారణమేంటో సులువుగానే ఊహించుకోవచ్చు. వెస్టిండీస్ ఆల్రౌండర్ డ్వేన్బ్రావోకు మహీ అంటే పిచ్చి. కోహ్లీలాంటి ఆటగాడు సైతం ఎప్పటికీ తన కెప్టెన్ ధోనీయే అని చెప్పడానికి కారణమూ స్నేహమే. కెప్టెన్ అయినప్పటికీ తన గది తలుపులు ఎప్పటికీ తెరిచే ఉంటాయని, ఏ అర్ధరాత్రైనా తన గదికి రావొచ్చని తన జట్టు సభ్యులతో ధోనీ చెప్తాడు. అంత స్వేచ్ఛనిస్తాడు. అంబటి రాయుడిని సైతం అతడెంతో ప్రోత్సహించాడు. అందుకే అతనంటే జట్టు సభ్యులకు చెప్పలేనంత ఇష్టం.
క్రికెట్ యోగి!
ధోనీలో ఒక తత్వవేత్తా ఉన్నాడు. అతడిలో విరాగితత్వం కనిపిస్తుంది. ఎందుకంటే మ్యాచులు గెలిచినా ఓడినా అతడిలో స్పందనేమీ కనిపించదు. నరాలు తెగే ఉత్కంఠం ఉన్నా అతడు చలించకుండా ఉంటాడు. గెలిచినా ఓడినా పోయేదేమీ లేదనట్టుగా వ్యవహరిస్తాడు. ఆడంబరాలు, ఆర్భాటాలు కనిపించనివ్వడు. తన దారేదో తనది! సామాజిక మాధ్యమాలకూ దూరంగా ఉంటాడు. భార్యాపిల్లల్ని ప్రేమిస్తాడు. తన సహచరులనూ ప్రేమిస్తాడు. అదే సమయంలో వారితో ఎడబాటూ కలిగి ఉంటాడు. ఎటాచ్మెంట్ విత్ డిటాచ్మెంట్ అన్నమాట! అనామకుడిగా అరంగేట్రం, గొప్ప ఆటగాడిగా నిష్క్రమణా సాధారణమే. అందుకే అతడో క్రికెట్ యోగి! ఇంకా అతడిలో దేశభక్తి వంటి కోణాలు అనేకం ఉన్నాయి.
-ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అంపైర్గా పని చేసి.. ఐపీఎల్లో అదరగొట్టి... నయా సంచలనం అశుతోష్ కథ ఇది!
ధనాధన్ షాట్లతో ముంబయి మీద విరుచుకుపడి ఓటమి భయం చూపించిన అశుతోష్ శర్మ గురించి ఆసక్తికర విషయాలు... -
వీరుడొచ్చాడు.. సన్రైజర్స్కు దొరికిన మరో వార్నర్
సన్రైజర్స్ హైదరాబాద్ అంటే ఒకప్పుడు డేవిడ్ వార్నర్ (David Warner) మెరుపులే గుర్తుకొచ్చేవి. వార్నర్ వెళ్లిపోయిన తర్వాత ఆ లోటు కనిపించింది. ఓపెనింగ్లో ఓ ఖాళీ. రెండు సీజన్ల పాటు ఆ వెలితి అలాగే ఉంది. కానీ ఇప్పుడొక వీరుడొచ్చాడు. అతనే.. ట్రావిస్ హెడ్ (Travis Head). -
పరుగులివ్వడు.. వికెట్లు వదలడు... బెంబేలెత్తిస్తున్న బుమ్రా
ఐపీఎల్లో అదరగొడుతున్న బౌలర్ల జాబితా రాస్తే తొలి స్థానంలో కనిపించే పేరు జస్ప్రీత్ బుమ్రా. అతని బౌలింగ్లో ఆడటానికి బ్యాటర్లు బాగా ఇబ్బందిపడుతున్నారు. -
వీళ్లు ఆడితే మామూలుగా ఉండదు!
ఐపీఎల్.. ఈ టోర్నీ పేరు చెప్పగానే వెస్టిండీస్ ఆటగాళ్లే గుర్తొస్తారు. గత 16 ఏళ్లుగా కరీబియన్ ఆటగాళ్ల విన్యాసాలే అభిమానుల మనసుల్లో మెదులుతాయి. ఎందుకంటే తమ ఆటతోనే కాదు తమ హవభావాలతో మైదానంలో, మైదానం బయట ఈ విండీస్ వీరుల సందడి అంతాఇంతా కాదు. -
‘ఒక్క ఛాన్స్.. ఒకే ఒక్క ఛాన్స్’.. సత్తా చాటేందుకు విదేశీ సంచలనాల తహతహ
ఐపీఎల్లో తమ సత్తా నిరూపించుకోవడానికి ఆటగాళ్లు ఎదురు చూస్తుంటారు. ఫామ్ను అందుకోవడంతోపాటు ఫ్రాంచైజీ దృష్టిలో పడాలనేది కొందరి ఆశ. -
నితీశ్ రెడ్డి.. భారత్ క్రికెట్కు మరో పేస్ ఆల్రౌండర్ లభించినట్లేనా?
హైదరాబాద్ తరఫున మరో ఆణిముత్యం వంటి ఆటగాడు వెలుగులోకి వచ్చాడు. అదీనూ తెలుగు కుర్రాడు కావడం ఇక్కడ విశేషం. జట్టును గెలిపించే ప్రదర్శన చేయడం అభిమానులను ఆకట్టుకుంది. -
ఫామ్తో తంటాలా.. ఆర్సీబీ ఉందిగా!
ఈ ఐపీఎల్ సీజన్లో బెంగళూరుపై ఫామ్లో లేని ఆటగాళ్లు కూడా చెలరేగుతున్నారు. అంతేకాదు వారే మ్యాచ్ విన్నర్లుగా అవతరిస్తున్నారు. -
అప్పుడు వేస్ట్.. ఇప్పుడు బెస్ట్... ‘విఫల’ ముద్ర తొలగించుకున్న బ్యాటర్లు
ఐపీఎల్లో ఇప్పటివరకు సరిగ్గా ఆడని కొంతమంది ప్లేయర్లు ఈ సీజన్ ఐపీఎల్లో అదరగొట్టేస్తున్నారు. వాళ్లెవరు, వాళ్ల సంగతేంటో చూద్దాం! -
యశ్ ఠాకూర్.. ధోనీలా మారదామని వచ్చి.. పేసర్గా అదరగొట్టి!
లఖ్నవూ పేస్ బౌలర్లు పెను సంచలనంగా మారారు. ఇదివరకు మయాంక్ యాదవ్ తన ఫాస్ట్తో బెంబేలెత్తించగా.. తాజాగా యశ్ ఠాకూర్ అదరగొట్టాడు. -
వద్దనుకున్నవాడే వరమయ్యాడు.. ఎవరీ శశాంక్ సింగ్..?
తన అద్భుత బ్యాటింగ్తో గుజరాత్పై పంజాబ్కు విజయం అందించిన శశాంక్ సింగ్పై ఇప్పుడు అందరూ ప్రశంసలు కురిపిస్తున్నారు. -
ఓరి‘నరైనో’.. బ్యాటుతో రెచ్చిపోతున్న విండీస్ స్పిన్నర్
ప్రత్యర్థి సొంత మైదానాల్లో దూకుడుగా ఆడుతూ పరుగులు రాబట్టడం అతడి ప్రత్యేకత. గత సీజన్లో పెద్దగా ప్రభావం చూపని ఈ కోల్కతా ఆటగాడు మళ్లీ బ్యాట్తో అదరగొట్టేస్తున్నాడు. -
వింటేజ్ ధోనీ... కీపింగ్ మెరుపులు ఓవైపు... భారీ సిక్సర్లు మరోవైపు!
తొలి రెండు మ్యాచుల్లో బ్యాటింగ్కి రాని ధోనీ... మూడో మ్యాచులో బరిలోకి దిగి భారీ సిక్సర్లు బాదాడు. దీంతో ఇప్పుడు అంతా అతని మేనియానే కనిపిస్తోంది. -
పంత్.. ఇదే కావాలయ్యా...రిషబ్ ఇక రెచ్చిపో!
రిషభ్ పంత్ జట్టులో ఉంటే అదో ధైర్యం. మనది కాదనుకున్న మ్యాచ్ను అమాంతం మనవైపు తిప్పేస్తుంటాడు. యాక్సిడెంట్ తర్వాత రీఎంట్రీలో చెన్నై మీద అదరగొట్టాడు. -
రేటెక్కువ.. ఆట తక్కువ... ఐపీఎల్లో ఎప్పుడూ ఇదే కథ!
భారీ ధరపెట్టి జట్టులోకి తీసుకున్న స్టార్ ప్లేయర్లు ఐపీఎల్లో నిరాశపరుస్తుంటారు. ఈ ఏడాది కూడా అదే పరిస్థితి కనిపిస్తోంది. -
కొత్త పేస్ స్టార్.. గాయాలు ఇబ్బంది పెట్టినా బెదరని మయాంక్ యాదవ్
ఐపీఎల్ ప్లాట్ఫామ్ ద్వారా మరో ఆణిముత్యం వెలుగులోకి వచ్చింది. కొత్త స్టార్ పేసర్పై భారత సెలక్టర్లు దృష్టి పెట్టే అవకాశం లేకపోలేదు.. -
సిరాజ్ మియా.. ఎక్కడ బౌలింగ్ మాయ..? తేలిపోతున్న బెంగళూరు పేస్ ఎటాక్!
భారత స్టార్ పేసర్గా మారిన సిరాజ్ (Siraj) తన మాయాజాలాన్ని ప్రదర్శించలేకపోతున్నాడు. ప్రత్యర్థి బ్యాటర్లు అతడి బౌలింగ్ను తేలిగ్గా ఆడేస్తున్నారు. -
హెన్రిచ్ క్లాసెన్.. సన్రైజర్స్కు భలే దొరికాడు
ఐపీఎల్ 17వ సీజన్లో హైదరాబాద్ వరుసగా రెండు మ్యాచుల్లోనూ దూకుడైన బ్యాటింగ్ చేసింది. అందుకు ప్రధాన కారణం హెన్రిచ్ క్లాసెన్. -
30 ఏళ్ల క్రితం సచిన్ ఆట మొదలైంది ఈ రోజే..!
సరిగ్గా ఇదే రోజు.. 30 ఏళ్ల క్రితం (మార్చి 27, 1994) మాస్టర్ బ్లాస్టర్ సచిన్ తెందూల్కర్ కెరీర్ మలుపు తిరిగింది. -
ఫినిషర్ మళ్లీ వచ్చాడు.. ఈసారి బెంగళూరును గెలిపించాడు..
ఐపీఎల్ 17 సీజన్లో భాగంగా పంజాబ్తో జరిగిన మ్యాచ్లో దినేశ్ కార్తిక్ (Dinesh Karthik) ఫినిషింగ్ టచ్ ఇచ్చి బెంగళూరును గెలిపించాడు. -
Bengaluru Vs Punjab: సొంత మైదానంలో విజయం.. ఆనవాయితీని బెంగళూరు కొనసాగించేనా?
ఐపీఎల్లో బెంగళూరు రెండో మ్యాచ్ ఆడేందుకు సిద్ధమైంది. చిన్నస్వామి స్టేడియం వేదికగా పంజాబ్తో తలపడనుంది. -
Mumbai Indians: వరుసగా 12వ సారి.. ముంబయి తొలి మ్యాచ్ల చరిత్ర ఎలా ఉందంటే..?
ఈ సీజన్లో ముంబయి ఇండియన్స్ ఆడిన తొలి మ్యాచ్లో గుజరాత్పై ఓటమిపాలైంది. ఇలా ఓటమితో సీజన్ను ప్రారంభించడం ఆ జట్టుకు కొత్తేమీ కాదు.
తాజా వార్తలు (Latest News)
-
వైకాపాకి ఓటు వేస్తే డ్రైనేజీలో వేసినట్టే: వైఎస్ షర్మిల
-
నారాయణమూర్తి మనవడికి జాక్పాట్.. ఒక్క రోజులో ₹4 కోట్లు!
-
మా ఎమ్మెల్యేలను టచ్ చేస్తే.. మాడి మసైపోతావ్: కేసీఆర్పై సీఎం రేవంత్ ఫైర్
-
‘ఇద్దరు యువ రాజుల చిత్రాన్ని’ యూపీ ప్రజలు తిరస్కరించారు: మోదీ
-
‘స్పీడ్’ స్టార్లు vs సిక్సర్ల వీరులు... రెండు జట్లలో ‘హ్యాట్రిక్’ ఎవరికి?
-
‘దుబాయ్ ప్రయాణాలను రీషెడ్యూల్ చేసుకోండి’ - ఇండియన్ ఎంబసీ అడ్వైజరీ