Published : 11/09/2021 22:50 IST

IPL 2021:అబుదాబి చేరుకున్న రోహిత్ శర్మ, బుమ్రా

(Photo:Mumbai Indians Twitter)

ఇంటర్నెట్ డెస్క్‌: ఇంగ్లాండ్‌తో జరగాల్సిన ఐదో టెస్టు రద్దు కావడంతో ఐపీఎల్‌ ఫ్రాంచైజీలు తమ ఆటగాళ్లను యూఏఈకి తరలించడంపై దృష్టిసారించాయి. ముంబయి ఇండియన్స్ కెప్టెన్‌ రోహిత్ శర్మ, ఆ జట్టు ఆటగాళ్లు జస్ప్రీత్‌ బుమ్రా, సూర్యకుమార్‌ యాదవ్‌ శనివారం ప్రైవేట్‌ చార్టర్‌ ఫ్లైట్‌లో అబుదాబి చేరుకున్నారు. ఈ విషయాన్ని ముంబయి ఇండియన్స్‌ ధ్రువీకరించింది.‘ముంబయి ఇండియన్స్ కెప్టెన్‌ రోహిత్‌ శర్మ, జస్ప్రీత్ బుమ్రా,సూర్యకుమార్‌ యాదవ్‌ తమ కుటుంబాలతో ప్రైవేట్‌ చార్టర్‌ ఫ్లైట్‌లో అబుదాబి చేరుకున్నారు.  వీరందరూ ఐపీఎల్ నిబంధనల మేరకు ఈ రోజు(శనివారం) నుంచి ఆరు రోజులపాటు కఠిన క్వారంటైన్‌లోకి వెళతారు. ఇంగ్లాండ్ నుంచి బయలుదేరే ముందు వీరికి ఆర్టీ-పీసీఆర్‌ టెస్టులు చేశాం. అబుదాబి చేరుకున్న తర్వాత కూడా మళ్లీ ఆర్టీ-పీసీఆర్‌ టెస్టులు జరిపాం. ఈ  రెండింటిలో అందరికీ నెగిటివ్ వచ్చింది’ అని ముంబయి ఒక ప్రకటనలో తెలిపింది.

రాయల్‌ ఛాలెంజర్స్‌ బెంగళూరు, పంజాబ్‌ కింగ్స్‌, చెన్నై సూపర్‌ కింగ్స్‌ జట్లు తమ ఆటగాళ్లను దుబాయ్‌కు తీసుకొచ్చేందుకు ప్రత్యేక ఏర్పాట్లు చేస్తున్నాయి. సెప్టెంబరు 19న  డిఫెండింగ్‌ ఛాంపియన్‌ ముంబయి ఇండియన్స్‌, చెన్నై సూపర్‌ కింగ్స్‌ జట్ల మధ్య జరిగే మ్యాచ్‌తో ఐపీఎల్‌-14 సీజన్‌ పున:ప్రారంభం కానుంది. బయోబుడగలో ఉన్న ఆటగాళ్లు, సహాయక సిబ్బంది కొవిడ్ బారినపడటంతో మే మొదటివారంలో ఐపీఎల్‌ వాయిదాపడిన సంగతి తెలిసిందే.




Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని