Published : 20/11/2021 19:04 IST

PV Sindhu: ఇండోనేషియా మాస్టర్స్-2021 టోర్నీ.. సెమీస్‌లో సింధు ఓటమి

ఇంటర్నెట్‌ డెస్క్‌: ఒలింపిక్‌ పతకాల విజేత, భారత స్టార్‌ షట్లర్‌ పీవీ సింధు దూకుడుకు ఇండోనేషియా మాస్టర్స్‌ 2021 టోర్నమెంట్‌ సెమీస్‌లో అడ్డుకట్ట పడింది. సెమీఫైనల్‌లో జపాన్‌కు చెందిన యమగుచి చేతిలో ఓటమిపాలై టోర్నీ నుంచి నిష్క్రమించింది.  ఏకపక్షంగా సాగిన పోరులో 13-21, 9-21 తేడాతో కేవలం 32 నిమిషాల్లోనే ఓటమిపాలైంది. మూడో సీడెడ్‌ అయిన పీవీ సింధు తన స్థాయికి తగ్గ ఆటను ప్రదర్శించలేకపోయింది. ఆది నుంచే యమగుచి ప్రతాపం చూపడంతో సింధు తలవంచకతప్పలేదు. తొలి సెట్‌లో కాస్త పోరాడినా ప్రయోజనం దక్కలేదు. రెండో సెట్‌లోనూ ఆరంభంలో యమగుచి మీద ఆధిక్యత ప్రదర్శించింది. అయితే ఒక్కసారిగా పుంజుకున్న యమగుచి సూపర్‌ గేమ్‌ ఆడటంతో పీవీ సింధు ఓటమిని చవిచూసింది. యాన్‌ సియాంగ్‌, ఫిట్టాయాపార్న్‌ చాయ్‌వాన్ మధ్య జరిగే సెమీఫైనల్‌ విజేతతో టైటిల్‌ కోసం యమగుచి పోరాడనుంది. 

విజయాల పరంగా ఈ మ్యాచ్‌ ముందు వరకు యమగుచిపై పీవీ సింధు 12-7 ఆధిక్యంతో కొనసాగింది. అలానే గత రెండు మ్యాచుల్లోనూ యమగుచిని సింధు చిత్తు చేసింది. ఈ నేపథ్యంలో మరోమారు యమగుచిపై నెగ్గి ఫైనల్‌కు వెళ్తుందని భావించినా.. పరాభవం తప్పలేదు. మరోవైపుపురుషుల సింగిల్స్‌ సెమీస్‌లో మూడో సీడ్‌ ఆండర్స్‌ ఆంథోన్సెన్‌తో కిదాంబి శ్రీకాంత్‌ పోటీపడతాడు. వీరిద్దరు మూడు సార్లు తలపడగా.. ఒక మ్యాచ్‌లో శ్రీకాంత్‌, రెండింట్లో ప్రత్యర్థి పైచేయి సాధించారు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని