Updated : 24 May 2021 12:31 IST

Sushil Kumar: ఉరి తీయాలని రాణా తల్లిదండ్రుల డిమాండ్‌

దిల్లీ: తమ కుమారుడి మృతికి కారణమైన రెజ్లర్‌ సుశీల్‌ కుమార్‌ను ఉరితీయాలని సాగర్‌ రాణా తల్లిదండ్రులు డిమాండ్‌ చేశారు. పోలీసులు కేసును న్యాయంగా దర్యాప్తు చేస్తారన్న నమ్మకం ఉందన్నారు. రాజకీయ పలుకుబడిని ఉపయోగించుకొని అతడు తప్పించుకొనేందుకు ప్రయత్నిస్తాడని ఆరోపించారు. అతడి వద్ద నుంచి పతకాలు వెనక్కి తీసుకోవాలని ప్రభుత్వాన్ని కోరారు. 

‘నా కొడుకును హత్య చేసిన వ్యక్తి మార్గనిర్దేశకుడిగా ఉండేందుకు అర్హుడు కాడు. సుశీల్‌ కుమార్‌ సాధించిన పతకాలన్నీ వెనక్కి తీసుకోవాలి. పోలీసులు సరిగ్గా దర్యాప్తు చేస్తారని నమ్ముతున్నాం. కానీ రాజకీయ పలుకుబడిని ఉపయోగించుకునేందుకు సుశీల్‌ ప్రయత్నిస్తాడు. అతడిని ఉరితీయాలి’ అని సాగర్‌ రాణా తల్లి  అన్నారు.

నేరస్థులతో సుశీల్‌ సంబంధాలపై దర్యాప్తు చేయాలని సాగర్‌ తండ్రి అశోక్‌ కోరారు. ‘న్యాయం జరుగుతుందని నమ్ముతున్నాం. పారిపోయినప్పుడు సుశీల్‌ ఎక్కడున్నాడు? అతడికి ఎవరు ఆశ్రయమిచ్చారు? గ్యాంగ్‌స్టర్లతో అతడికున్న సంబంధాలపై దర్యాప్తు చేయాలి. అతడిని ఉరి తీయాలి. తన సొంత విద్యార్థులనే చంపేవారికి అదో పాఠం కావాలి’ అని ఆయన అన్నారు.

యువ రెజ్లర్‌ సాగర్  హత్య జరిగిన నాటి నుంచి సుశీల్‌ తప్పించుకొని తిరిగిన సంగతి తెలిసిందే. దాంతో పోలీసులు లుకౌట్‌ నోటీసులు జారీ చేశారు. ఆచూకీ తెలియజేసిన వారికి రూ.లక్ష బహుమానం సైతం ప్రకటించారు. ఎట్టకేలకు ఆదివారం అతడిని పోలీసులు అదుపులోకి తీసుకున్నారు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని