T20 World Cup: ‘కంగారు’ పెట్టించి కివీస్ కప్ కొట్టేస్తుందా?
ఇదే కసితో ఆడితే ఆస్ట్రేలియాను ఓడించి న్యూజిలాండ్ కప్ కొట్టిన ఆశ్చర్యపోనక్కర్లేదు. మరి ఈ పొట్టి ప్రపంచకప్లో ఫైనల్కు చేరడానికి ఆ జట్టు ప్రయాణం ఎలా సాగిందో ఓ లుక్కేద్దాం.
ఇంటర్నెట్ డెస్క్: మైదానంలో ప్రశాంతంగా ఉంటూ ప్రత్యర్థి జట్టుని సరైన సమయంలో దెబ్బకొట్టడంలో కివీస్ దిట్ట. అయితే, 2019 వన్డే ప్రపంచకప్ ఫైనల్లో ఆ జట్టు సర్వశక్తులు ఒడ్డినా.. ఛాంపియన్గా నిలవలేకపోయింది. ఇంగ్లాండ్ చేతిలో ఓడి రన్నరప్గా నిలిచింది. ఈ క్రమంలో ఆ జట్టు మరింత రాటుదేలింది. 2021 టెస్టు ఛాంపియన్ షిప్ టైటిల్ని గెల్చుకుంది. 2019 వన్డే ప్రపంచకప్లో ఇంగ్లాండ్ చేతిలో ఓటమికి కివీస్ ఈ టీ20 ప్రపంచకప్ సెమీస్లో ప్రతీకారం తీర్చుకుంది. సెమీస్లో ఇంగ్లిష్ జట్టుని ఓడించి ఫైనల్కు దూసుకెళ్లింది. ఇదే కసితో ఆడితే ఆస్ట్రేలియాను ఓడించి కప్ కొట్టినా ఆశ్చర్యపోనక్కర్లేదు. మరి ఈ పొట్టి ప్రపంచకప్లో ఫైనల్కు చేరడానికి న్యూజిలాండ్ జట్టు ప్రయాణం ఎలా సాగిందో ఓ లుక్కేద్దాం.
పాక్ చేతిలో పరాభావం..
ఈ టీ20 ప్రపంచకప్లో కివీస్ తన మొదటి మ్యాచ్లో పాకిస్థాన్తో తలపడింది. తొలుత బ్యాటింగ్ చేసిన న్యూజిలాండ్.. పాక్ బౌలర్లు కట్టుదిట్టంగా బౌలింగ్ చేయడంతో నిర్ణీత ఓవర్లలో ఎనిమిది వికెట్లు కోల్పోయి 138 పరుగుల నామమాత్రపు స్కోరు చేసింది. ఈ లక్ష్యాన్ని పాకిస్థాన్ 18.4 ఓవర్లలో ఛేదించింది. దీంతో తొలి మ్యాచ్లోనే కివీస్కు ఎదురుదెబ్బ తగిలింది.
భారత్ను కట్టడి చేసి.. వేగంగా కొట్టేసింది
న్యూజిలాండ్ తన రెండో మ్యాచ్లో బలమైన టీమిండియాని ఢీకొట్టింది. పాకిస్థాన్ చేతిలో ఓడిన కసిమీదున్న కివీస్ ఈ మ్యాచ్లో భారత ఆటగాళ్లకు చుక్కలు చూపించింది. ఆ జట్టు బౌలర్ల ధాటికి టీమిండియా ఆటగాళ్లలో ఒక్కరూ కూడా 30 పరుగుల మార్కును దాటలేకపోయారు. విరాట్ సేనను 110 పరుగులకే కట్టడి చేసిన విలియయ్సన్ బృందం ఆ స్వల్ప లక్ష్యాన్ని రెండు వికెట్లు కోల్పోయి 14.3 ఓవర్లలోనే ఛేదించేసింది.
స్కాట్లాండ్ను కంగు తినిపించి..
భారత్పై విజయం సాధించిన ఉత్సాహాంతో తన మూడో మ్యాచ్లో స్కాట్లాండ్ని కంగు తినిపించింది న్యూజిలాండ్. ఓపెనర్ మార్టిన్ గప్తిల్ (93; 56 బంతుల్లో 6 ఫోర్లు, 7 సిక్స్లు) చెలరేగడంతో తొలుత బ్యాటింగ్ చేసిన కివీస్ 5 వికెట్ల నష్టానికి 172 పరుగులు చేసింది. తర్వాత స్కాట్లాండ్ని 156 పరుగులకే కట్టడి చేసి వరుసగా రెండో విజయాన్ని నమోదు చేసుకుంది.
పసికూనపై పంజా.. హ్యాట్రిక్ గెలుపు
భారత్, స్కాట్లాండ్లపై విజయం సాధించి జోరుమీదున్న న్యూజిలాండ్ తన నాలుగో మ్యాచ్లో పసికూన అయిన నమీబియాతో తలపడింది. తొలుత బ్యాటింగ్ చేసిన కివీస్ నాలుగు వికెట్ల నష్టానికి 163 పరుగులు చేసింది. టాప్ ఆర్డర్ ఆటగాళ్లు తక్కువ స్కోరుకే ఔటైనా మిడిల్ ఆర్డర్ బ్యాటర్లు గ్లెన్ ఫిలిప్స్ (39), జిమ్మీ నీషమ్ (35) రాణించడంతో మంచి స్కోరును సాధించింది. ఛేదనకు దిగిన నమీబియాను 111/7కు కట్టడి చేసిన కివీస్.. 52 పరుగుల తేడాతో నెగ్గి హ్యాట్రిక్ విజయాన్ని నమోదు చేసింది.
చెమటోడ్చి నెగ్గి సెమీస్కు
నమీబియాపై అలవోకగా విజయం సాధించిన కివీస్.. అఫ్గానిస్థాన్తో జరిగిన మ్యాచ్లో మాత్రం చెమటోడ్చి నెగ్గింది. తొలుత అఫ్గాన్ని 124 పరుగులకే కట్టడి చేసింది. ఈ స్వల్ప లక్ష్యాన్ని ఛేదించేందుకు బరిలోకి దిగిన కివీస్ ఆరంభం నుంచి నెమ్మదిగా ఆడింది. చివరకు 18.1 ఓవర్లలో ఈ లక్ష్యాన్ని అందుకుని అఫ్గాన్పై గెలిచింది. ఒకవేళ అఫ్గానిస్థాన్ మరో 30-40 పరుగులు చేసుంటే కివీస్కు మ్యాచ్ గెలవడం కష్టంగా మారేది.
ఆ ఓటములకు ప్రతీకారం.. ఫైనల్లో అడుగు
తొలి మ్యాచ్లో ఓడినా.. ఆ తర్వాత పుంజుకుని వరుసగా నాలుగు మ్యాచ్ల్లో నెగ్గి సెమీస్కు దూసుకొచ్చిన న్యూజిలాండ్.. బలమైన ఇంగ్లాండ్ జట్టుతో తలపడింది. తొలుత బ్యాటింగ్ చేసిన ఇంగ్లిష్ జట్టు.. నిర్ణీత ఓవర్లలో నాలుగు వికెట్ల నష్టానికి 166 పరుగులు చేసింది. లక్ష్యఛేదనకు దిగిన విలియమ్సన్ సేనకు ఆరంభంలోనే షాక్ తగిలింది. మార్టిన్ గప్తిల్, విలియమ్సన్ వికెట్లను మూడు ఓవర్లలోపే కోల్పోయి కష్టాల్లో పడింది. డారిల్ మిచెల్ (72) మెరవడంతోపాటు జిమ్మీ నీషమ్ (27; 11 బంతుల్లో) సంచలన ఇన్నింగ్స్ ఆడటంతో ఒక ఓవర్ మిగిలుండగానే విజయాన్ని అందుకుంది. 2016 టీ20 ప్రపంచకప్ సెమీస్, 2019 వన్డే ప్రపంచకప్ ఫైనల్లో ఇంగ్లాండ్ చేతిలో పరాజయం పాలైన కివీస్.. ఈ విజయంతో ఆ ఓటములకు ప్రతీకారం తీర్చుకుని ఫైనల్లోకి అడుగుపెట్టింది.
కంగారూలను కంగారు పెట్టిస్తుందా?
పాకిస్థాన్ని ఓడించి ఫైనల్కు చేరిన ఆస్ట్రేలియాతో న్యూజిలాండ్ తలపడనుంది. రెండు జట్ల బలబలాలు, నాకౌట్ మ్యాచ్ల్లో ఇరు జట్ల ఫలితాలను బట్టి చూస్తే ఆస్ట్రేలియానే ఫేవరేట్గా కనిపిస్తోంది. కంగారులకు ఏ మాత్రం అవకాశం ఇచ్చినా చెలరేగిపోతారు. పాకిస్థాన్తో జరిగిన సెమీస్లో ఇదే రిపీట్ అయింది. వేడ్ (41) ఇచ్చిన క్యాచ్ని హసన్ అలీ జారవిడిచాడు. ఆ వెంటనే అతడు మూడు సిక్స్లు కొట్టి పాక్ ఫైనల్ ఆశలపై నీళ్లు చల్లాడు. ట్రెంట్ బౌల్ట్, టిమ్ సౌథీ పేస్ ద్వయం, స్పిన్నర్లు శాంటర్న్, సోధీ చెలరేగితే కంగారులకు తిప్పలు తప్పవు. ఏది ఏమైనా ఇందులో ఏ జట్టు గెలిచినా కొత్త ఛాంపియన్గా అవతరిస్తుంది.
► Read latest Sports News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
స్త్రీ ధనంపై భర్తకు నియంత్రణ ఉండదు: సుప్రీం
-
టీఎస్బీపాస్తోనే అనుమతులు.. డీపీఎంఎస్ విధానం పూర్తిగా నిలుపుదల
-
కొండయ్య.. లెక్కే వేరు
-
తితిదే వద్దనున్న రూ.2 వేల నోట్లు మార్పిడి!
-
విశాఖ ఉక్కు భూముల విషయంలో యథాతథ స్థితి పాటించండి
-
‘యూటీఎస్’ పరిధి పెంపు.. ఇక ఎంత దూరం నుంచైనా జనరల్ టికెట్ కొనచ్చు..