IPL 2021: ఆర్‌సీబీ.. ప్లేఆఫ్స్‌లో అడుగేస్తుందా?

ఇంటర్నెట్‌డెస్క్‌: ఐపీఎల్‌-12లో దిల్లీ, చెన్నై ఇప్పటికే ప్లేఆఫ్స్‌లో అడుగు పెట్టేశాయి. ఇప్పుడిక బెంగళూరు వంతొచ్చింది. 11 మ్యాచ్‌ల్లో ఏడు విజయాలతో ప్లేఆఫ్స్‌కు అత్యంత చేరువగా ఉన్న ఆర్‌సీబీ.. ఆదివారం పంజాబ్‌ను ఢీకొనబోతోంది. ఈ మ్యాచ్‌లో గెలిస్తే బెంగళూరుకు బెర్తు ఖరారవుతుంది. ప్లేఆఫ్స్‌ రేసులో ఉన్న మిగతా నాలుగు జట్లలో ఏదీ ఎనిమిది విజయాలు సాధించే అవకాశం లేదు కాబట్టి బెంగళూరు వేరే సమీకరణాలతో సంబంధం లేకుండా ముందంజ వేస్తుంది. ఆర్‌సీబీ చేతిలో ఓడితే పంజాబ్‌ పనైపోయినట్లే! ఆ జట్టుతో పాటు ముంబయి, రాజస్థాన్‌, కోల్‌కతా 12 మ్యాచుల్లో అయిదేసి విజయాలతో సమాన స్థితిలో ఉన్నాయి. ఆర్‌సీబీ ముందంజ వేస్తే.. చివరి  ప్లేఆఫ్‌ బెర్తు ఏ జట్టు సొంతమవుతుందన్నది ఆసక్తికరం.