Updated : 31/08/2021 22:12 IST

Neeraj chopra: బల్లెం వీరుడు నీరజ్‌ను ఏమైనా అడుగుతారా? సా. 4 గం.కు ఛాన్స్‌!

ఇంటర్నెట్‌ డెస్క్‌: బల్లెం వీరుడు నీరజ్‌ చోప్రా కోలుకున్నాడు. తిరిగి అభిమానులతో ముచ్చటించేందుకు సిద్ధమయ్యాడు. గురువారం సాయంత్రం నాలుగు గంటలకు ఆన్‌లైన్‌ వేదికగా అందరితో మాట్లాడతానని వెల్లడించాడు. ఫేస్‌బుక్‌ ద్వారా అభిమానులను కలుసుకుంటానని ప్రకటించాడు.

టోక్యో ఒలింపిక్స్‌లో నీరజ్‌ చోప్రా స్వర్ణం గెలిచిన సంగతి తెలిసిందే. అభినవ్‌ బింద్రా తర్వాత పసిడి పతకం ముద్దాడిన భారత రెండో అథ్లెట్‌గా నిలిచాడు. అంతేకాకుండా వందేళ్ల తర్వాత దేశానికి అథ్లెటిక్స్‌లో పతకం అందించాడు. విశ్వక్రీడల్లో ఈటెను ఎవరికీ అందనంత దూరం విసిరి స్వర్ణపతకం సాధించాడు.

టోక్యో నుంచి స్వదేశానికి వచ్చిన నీరజ్‌ చోప్రాకు భారతీయులు ఘన స్వాగతం పలికారు. అతడిపై పొగడ్తల వర్షం కురిపించారు. వరుసగా ప్రభుత్వ పెద్దలు, మంత్రులు, రాజకీయ నాయకులు, ప్రముఖులను అతడు సందర్శించాడు. సన్మాన కార్యక్రమాలు, రహదారి షోల్లో పాల్గొన్నాడు. హఠాత్తుగా అతడికి జ్వరం రావడంతో ఓ రోడ్‌షో నుంచి మధ్యలోనే తప్పుకొని ఇంటికి వెళ్లాడు. ప్రస్తుతం కోలుకోవడంతో ఫేస్‌బుక్‌ ద్వారా అభిమానులతో ముచ్చటించేందుకు సిద్ధమయ్యాడు. వారు అడిగే ప్రశ్నలకు జవాబులు ఇవ్వనున్నాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్