Ravi Shastri: టీమ్ఇండియా హెడ్కోచ్గా అనుకున్నవన్నీ సాధించా: రవిశాస్త్రి
టీమ్ఇండియా హెడ్కోచ్గా తాను అనుకున్నదాని కన్నా ఎక్కువే సాధించానని ఇంగ్లాండ్లో కరోనా నుంచి కోలుకున్న రవిశాస్త్రి సంతోషం వ్యక్తం చేశాడు. రాబోయే టీ20 ప్రపంచకప్ తర్వాత తన కాలపరిమితి ముగుస్తున్న నేపథ్యంలో...
49 ఏళ్ల కెరీర్లో ఆ విజయాలే గొప్ప సంతృప్తినిచ్చాయి..!
ఇంటర్నెట్డెస్క్: టీమ్ఇండియా హెడ్కోచ్గా తాను అనుకున్నదాని కన్నా ఎక్కువే సాధించానని రవిశాస్త్రి సంతోషం వ్యక్తం చేశాడు. రాబోయే టీ20 ప్రపంచకప్ తర్వాత తన కాలపరిమితి ముగుస్తున్న నేపథ్యంలో తాజాగా ఈ వ్యాఖ్యలు చేశాడు. నాలుగో టెస్టు సందర్భంగా కరోనా బారిన పడిన అతడు ఇటీవలే కోలుకొని భారత్కు తిరిగి వచ్చేందుకు ఎదురుచూస్తున్నాడు. ఈ క్రమంలోనే ఓ అంతర్జాతీయ పత్రికతో మాట్లాడుతూ టీమ్ఇండియా కోచ్గా తన ప్రయాణం గురించి వివరించాడు. ఈ పొట్టి ప్రపంచకప్ సాధిస్తే తనకు ఇంకా ప్రత్యేకంగా ఉంటుందని, అయితే టీమ్ఇండియా ఇప్పటికే గొప్ప విజయాలు సాధించిందని హర్షం వ్యక్తంచేశాడు.
‘నేను అనుకున్నవన్నీ సాధించా. నా నేతృత్వంలో టీమ్ఇండియా ఐదేళ్లు టెస్టు క్రికెట్లో నంబర్వన్గా కొనసాగింది. ఆస్ట్రేలియాలో రెండుసార్లు విజయాలు సాధించింది. ఇంగ్లాండ్ను కూడా సొంతగడ్డపై ఓడించింది. ఈ విషయాలపై ఇంగ్లాండ్ మాజీ ప్లేయర్ మైఖేల్ అథర్టన్తోనూ మాట్లాడాను. కరోనా కాలంలో భారత్.. ఆస్ట్రేలియా, ఇంగ్లాండ్ లాంటి దేశాల్లో విజయాలు సాధించింది. మరీ ముఖ్యంగా ఈ పర్యటనలో 2-1 ఆధిక్యంలో నిలిచింది. ఓవల్, లార్డ్స్ మైదానాల్లో భారత్ విజయాలు సాధించడం నాకెంతో ప్రత్యేకం. అలాగే ప్రతి జట్టునూ వారి సొంతగడ్డపైనే పరిమిత ఓవర్ల క్రికెట్లో ఓడించింది. ఇక చివరగా ఈ ప్రపంచకప్ ఒక్కటి సాధిస్తే నాకు అంతకుమించిన ఆనందం మరొకటి ఉండదు’ అని రవిశాస్త్రి పేర్కొన్నాడు.
ఇంకా మాట్లాడుతూ.. ఎక్కడైనా ఎక్కువకాలం ఉండకూడదనేది తన అభిమతమని, తన నేతృత్వంలో టీమ్ఇండియా గొప్ప విజయాలు సాధించిందని గుర్తుచేశాడు. ఆస్ట్రేలియా, ఇంగ్లాండ్లో టెస్టు విజయాలు సాధించడం తన 40 ఏళ్ల క్రికెట్ జీవితంలో అత్యంత సంతృప్తికరమైన క్షణాలని వివరించాడు. ఇక రాబోయే టీ20 ప్రపంచకప్లో భారత్ విజేతగా నిలవడానికి పూర్తిస్థాయిలో కృషిచేస్తామని చెప్పాడు. తమ శక్తి సామర్థ్యాల మేరకు పోరాడితే కప్పు సాధిస్తామని ధీమా వ్యక్తం చేశాడు. ఇకపై టెస్టు క్రికెట్ గురించి మర్చిపోయి టీ20 మజాను ఆస్వాదించాలన్నాడు. కాగా, జట్టును వీడి బయటకు వెళ్లడం బాధాకరంగా ఉందన్నాడు. అయితే, ఎంతో మంది గొప్ప ఆటగాళ్లతో నాలుగేళ్లు కలిసి పనిచేయడం సంతోషంగా ఉందని రవిశాస్త్రి పేర్కొన్నాడు. తనకాలంలో టీమ్ఇండియా డ్రెస్సింగ్రూమ్లో మంచి వాతావరణం ఉండేదని, అన్నింటికీ మించి తాము సాధించిన విజయాలే తమను గర్వంగా ఉంచుతాయని చెప్పాడు.
కాగా, రవిశాస్త్రి 2017లో టీమ్ఇండియా హెడ్కోచ్గా ఎంపికయ్యాడు. అంతకుముందు కెప్టెన్ విరాట్ కోహ్లీతో విభేదాల కారణంగా కోచ్గా ఉన్న అనిల్కుంబ్లే ఆ బాధ్యతల నుంచి తప్పుకొన్నాడు. అప్పటి నుంచి 2019 వరకు శాస్త్రి తొలిసారి రెండేళ్ల కాలపరిమితికి ఎంపికయ్యాడు. అనంతరం మళ్లీ రెండేళ్లకు తన కాలపరిమితిని పెంచుకున్నాడు. ఈ నేపథ్యంలోనే రాబోయే ప్రపంచకప్ తర్వాత తన గడువు ముగియనుంది. దీంతో బీసీసీఐ ఇప్పుడు కొత్త కోచ్ ఎంపికకు ప్రణాళికలు సిద్ధం చేస్తున్నట్లు వార్తలు వినిపిస్తున్నాయి. అయితే, మాజీ కోచ్ అనిల్కుంబ్లేను తిరిగి తీసుకురావాలని యోచిస్తున్నట్లు సమాచారం. దీనిపై స్పష్టత రావాలంటే మరిన్ని రోజులు వేచిచూడాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
‘యూటీఎస్’ పరిధి పెంపు.. ఇక ఎంత దూరం నుంచైనా జనరల్ టికెట్ కొనచ్చు..
-
చిరంజీవిని విమర్శిస్తే ఖబడ్దార్.. వైకాపాకు సీఎం రమేశ్ హెచ్చరిక
-
రారండోయ్.. ఓటేయడానికి ఆంధ్రాకు
-
ఈ చిట్టితల్లికి కష్టమొచ్చింది!.. అరుదైన క్యాన్సర్తో పోరాడుతున్న బాలిక
-
ఓ అన్న మాట్లాడాల్సిన మాటలేనా?.. షర్మిల చీరపై జగన్ అభ్యంతరకర వ్యాఖ్యలు
-
కూకట్పల్లిలో హత్యాచారం కేసు.. 45 కిలోమీటర్లు.. 1400 సీసీ కెమెరాల జల్లెడ