Published : 02/08/2021 01:14 IST

PV Sindhu: టోక్యో ఒలింపిక్స్‌లో కాంస్యం సాధించిన సింధుకు అభినందనల వెల్లువ

ఇంటర్నెట్‌డెస్క్‌: టోక్యో ఒలింపిక్స్‌లో కాంస్య పతకం సాధించిన పీవీ సింధుపై ప్రశంసల జల్లు కురుస్తోంది. రాష్ట్రపతి రామ్‌నాథ్‌ కోవింద్‌, ఉపరాష్ట్రపతి వెంకయ్యనాయుడు, ప్రధాని నరేంద్ర మోదీ, తెలుగు రాష్ట్రాల ముఖ్యమంత్రులు కేసీఆర్‌, జగన్‌, తెదేపా అధినేత చంద్రబాబు, క్రికెట్‌ దిగ్గజం సచిన్‌ తెందూల్కర్‌, ప్రముఖ సినీనటులు చిరంజీవి, మహేశ్‌ బాబుతో సహా మరికొందరు ప్రత్యేకంగా అభినందనలు తెలిపారు. కీలకమైన పోరులో సింధు అద్భుత ప్రదర్శన చేసిందని కొనియాడారు. వరుసగా రెండు ఒలింపిక్స్‌ల్లోనూ పతకం సాధించినందుకు సంతోషం వ్యక్తం చేశారు. మరోవైపు సింధు రికార్డు విజయం పట్ల ఆమె తండ్రి రమణ మీడియాతో ముచ్చటించారు. తన కూతుర్ని ప్రోత్సహించి ఇంతటి ఘన విజయాన్ని సాధించేందుకు దోహదపడిన భారత ప్రభుత్వం, బ్యాడ్మింటన్‌ అసోసియేషన్‌ ఆఫ్‌ ఇండియా, మీడియాకు రమణ కృతజ్ఞతలు తెలిపారు.

‘‘సెమీ ఫైనల్‌లో ఓటమి తర్వాత సింధుపై మరింత ఒత్తిడి పెరిగింది. అలాంటి క్లిష్ట పరిస్థితుల్లోనూ నా కూతురు ఒత్తిడిని తట్టుకొని దేశానికి పతకం సాధించింది. వరుసగా రెండో ఒలింపిక్స్‌లో పతకం సాధించిన తొలి భారత క్రీడాకారిణిగా నిలిచిన నా కుమార్తె పట్ల గర్వంగా ఉంది. ఇప్పుడెంతో సంతోషంగా ఉంది’’ రమణ వివరించారు.












Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని