Published : 15/10/2021 01:30 IST

T20 series: న్యూజిలాండ్‌తో టీ20 సిరీస్‌.. సీనియర్లకు విశ్రాంతి.!

ఇంటర్నెట్ డెస్క్: వచ్చే నెలలో న్యూజిలాండ్‌తో జరగనున్న మూడు మ్యాచుల టీ20 సిరీస్‌కు.. పలువురు సీనియర్లకు విశ్రాంతినివ్వనున్నట్లు సమాచారం. టీ20 ప్రపంచకప్ ముగిసిన వెంటనే ఈ సిరీస్ ఉండటం, పలువురు ఆటగాళ్లు గత నాలుగు నెలలుగా వరుసగా బయో బబుల్‌లో గడుపుతుండటం ఇందుకు ప్రధాన కారణాలుగా తెలుస్తోంది. జూన్‌ నుంచి బయో బబుల్‌లో గడుపుతున్న విరాట్‌ కోహ్లి, రోహిత్‌ శర్మ, జస్ప్రీత్‌ బుమ్రా, మహమ్మద్‌ షమి వంటి కీలక ఆటగాళ్లకు విశ్రాంతి ఇవ్వనున్నట్లు విశ్వసనీయ వర్గాలు తెలిపాయి. అయితే, టీ20 ప్రపంచకప్ ముగిసిన వెంటనే నాయకత్వ బాధ్యతల నుంచి తప్పుకుంటానని కెప్టెన్ విరాట్‌ కోహ్లి ప్రకటించిన నేపథ్యంలో.. రోహిత్‌ శర్మకు విశ్రాంతి ఇవ్వాలా.. వద్దా.. అనే విషయంలో సందిగ్దం నెలకొంది. నవంబరు 17 నుంచి న్యూజిలాండ్‌తో టీ20 సిరీస్ ప్రారంభం కానున్న విషయం తెలిసిందే. 

ఇండియన్ ప్రీమియర్‌ లీగ్‌ (ఐపీఎల్‌)లో మెరుగ్గా రాణించిన ఆటగాళ్లకు ఈ సిరీస్‌లో అవకాశమివ్వనున్నారు. ఈ నేపథ్యంలో యువ ఆటగాళ్లు రుతురాజ్ గైక్వాడ్‌, హర్షల్ పటేల్‌, అవేశ్ ఖాన్‌, వెంకటేశ్‌ అయ్యర్ జట్టులో స్థానం కోసం పోటీపడుతున్నారు. ఇదిలా ఉండగా, జాతీయ క్రికెట్‌ అకాడమీ (ఎన్‌సీఏ)కి హెడ్‌ కోచ్‌గా వ్యవహరిస్తున్న రాహుల్‌ ద్రావిడ్‌.. న్యూజిలాండ్‌తో జరుగునున్న టీ20 సిరీస్‌కు తాత్కాలిక కోచ్‌గా వ్యవహరించనున్నారని ఊహాగానాలు వస్తున్నాయి.అయితే, సరైన సమయంలో తర్వాతి కోచ్‌ ఎవరో వెల్లడిస్తామని బీసీసీఐ వర్గాలు తెలిపాయి. టీమిండియా ప్రస్తుత కోచ్‌ రవి శాస్త్రి పదవి కాలం ఈ నెలతో ముగియనున్న విషయం తెలిసిందే.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని