Published : 23/06/2021 01:43 IST

చెమటోడ్చే రోబో!

వటానికి మరమనిషే. అయితేనేం? మనిషిలా ‘చెమటోడుస్తుంది’. ఇదేమీ మాట వరసకు అంటున్నది కాదు. వ్యాయామం చేస్తున్నప్పుడు దీనికి నిజంగానే చెమట పడుతుంది! ఇంతటి చిత్రమైన రోబో పేరు కెంగారూ. దీన్ని టోక్యో యూనివర్సిటీ పరిశోధకులు రూపొందించారు. మనుషుల కదలికలను అచ్చంగా అనుకరించటం దీని ప్రత్యేకత. మనలాంటి ఎముకల వ్యవస్థ ఆధారంగానే దీన్ని తయారుచేశారు. అందువల్ల మనిషిలాగే పుషప్స్‌, సిటప్స్‌ అన్నీ చేసేస్తుంది. కావాలంటే మునివేళ్ల మీద కూడా తిన్నగా నిల్చుంటుంది. ఇంతకీ చెమటెలా చిందిస్తుందనేగా మీ సందేహం. అతి సూక్ష్మమైన దారులు ఏర్పడేలా 3డీ ప్రింటింగ్‌ పద్ధతిలో రోబో ‘ఎముకలను’ రూపొందించారు. దీంతో వ్యాయామం చేస్తున్నప్పుడు ఎముకల గుండా నీరు పంప్‌ అయ్యి పైకి వస్తుంది. మనల్ని చెమట చల్లబరచినట్టుగానే ఇదీ రోబోను చల్లబరుస్తుంది. ఎందుకిలా? కెంగారూలో వందకు పైగా మోటార్లుంటాయి. ఇవి ఎక్కువ వేడిని పుట్టిస్తుంటాయి. దీంతో వ్యాయామాలు చేస్తున్నప్పుడు రోబో వేడెక్కకుండా ఇలా ‘చెమట’ ఏర్పాట్లు చేశారు. దీని మూలంగానే ఇది ఎక్కువసేపు.. అంటే 11 నిమిషాల వరకు ఆగకుండా పుషప్స్‌ చేసేస్తుంది. మానవ మాత్రులకు ఇంతసేపు పుషప్స్‌ చేయటం అసాధ్యమనే చెప్పుకోవచ్చు. ఇలాంటి జీవ-ప్రేరణ పద్ధతులు మరింత మన్నికైన మోకాలి మార్పిడి పరికరాల వంటివి తయారుచేయటానికి ఉపయోగపడగలవని భావిస్తున్నారు.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని