పిలుస్తోంది.. నయా ప్రపంచం
సాంకేతిక ప్రపంచంలో అందరి నోటా మెటావర్స్ మాటే. ఇందులో ఎన్నెన్నో సంస్థలు భారీగా పెట్టుబడులు పెట్టేస్తున్నాయి. తాజాగా ఫేస్బుక్ సైతం దీనిలోకి అడుగు పెడుతున్నట్టు ప్రకటించేసింది. ఇంతకీ మెటావర్స్ అంటే ఏంటి? భవిష్యత్ ఇంటర్నెట్గా భావిస్తున్న ఇది....
సాంకేతిక ప్రపంచంలో అందరి నోటా మెటావర్స్ మాటే. ఇందులో ఎన్నెన్నో సంస్థలు భారీగా పెట్టుబడులు పెట్టేస్తున్నాయి. తాజాగా ఫేస్బుక్ సైతం దీనిలోకి అడుగు పెడుతున్నట్టు ప్రకటించేసింది. ఇంతకీ మెటావర్స్ అంటే ఏంటి? భవిష్యత్ ఇంటర్నెట్గా భావిస్తున్న ఇది మనపై ఎలాంటి ప్రభావం చూపబోతోంది?
అంచనాలకు అందకుండా టెక్నాలజీ రంగం తరచూ ఆశ్చర్యానికి గురిచేస్తూనే వస్తోంది. అలాగని అసలే పసిగట్టలేమని కాదు. పెద్ద పెద్ద మార్పులు చాలావరకు దశాబ్దాల ముందుగా ఊహించినవే. పుస్తకాలు, రికార్డులు, కమ్యూనికేషన్ల వంటివన్నీ ఒకే పరికరంలో స్టోర్ అయ్యి ఉంటే ఎలా ఉంటుంది? ఇవన్నీ యాంత్రికంగా ఒకదాంతో మరోటి అనుసంధానమైతే ఎలా ఉంటుంది? అని వనీవర్ బుష్ 1945లోనే ఊహించారు. ఈ పరికరానికి ‘మెమెక్స్’ అనే పేరునూ పెట్టారు. ఈ భావనే ‘హైపర్టెక్స్ట్’ ఆలోచనకు పునాది వేసింది. రెండు దశాబ్దాల అనంతరం ‘వరల్డ్ వైడ్ వెబ్’ అభివృద్ధికి దారితీసింది ఇదే. ఇప్పుడంటే స్ట్రీమింగ్ యుద్ధాలు మొదలయ్యాయి గానీ మొదటి వీడియో 25 ఏళ్ల కిందటే ప్రసారమైంది. నెట్ఫ్లిక్స్ స్ట్రీమింగ్ సేవలను ఆరంభించినప్పుడే టెలివిజన్ భవిష్యత్ ఆన్లైన్ మీదే ఆధాపడి ఉందని హాలీవుడ్కు అవగతమైంది. ఇలాగే మెటావర్స్ కూడా 70ల చివర్లో, 80ల ఆరంభంలోనే పురుడు పోసుకుంది. భవిష్యత్ ఇంటర్నెట్ ఇదేనని అప్పట్లోనే ఊహించారు. డిజిటల్ ప్రపంచపు మౌలిక సదుపాయాలనే కాదు.. మన అవసరాల విషయంలోనూ విప్లవాత్మక మార్పులు తీసుకురాగలదని భావించారు. సేవలు.. అన్నింటికీ మించి ఆయా ప్లాట్ఫామ్స్ పనితీరు, వస్తువుల క్రయవిక్రయాలను గణనీయంగా మార్చగలదని గట్టిగానే విశ్వసించారు. డిజిటల్, వాస్తవ ప్రపంచాల మధ్య హద్దులు చెరిపేసి.. కాల్పనిక వాస్తవాన్ని వాస్తవ ప్రపంచంతో అనుసంధానం చేసే దీని కోసం ఎంతోకాలంగా కృషి చేస్తున్నా ఇప్పుడిప్పుడే వేగం పుంజుకుంటోంది. ఆధునిక ఆగ్మెంటెడ్ రియాలిటీ, వర్చువల్ రియాలిటీ పరికరాల ఆవిష్కరణతో కలల లోకాన్ని కళ్ల ముందు కదలాడేలా చేయటానికి సిద్ధమవుతోంది.
మెటావర్స్ అంటే?
ప్రస్తుతం ఇంటర్నెట్ చాలావరకు టెక్స్ట్, ఇమేజెస్, వీడియోల మీదే ఆధారపడి ఉంది. దీనికి భవిష్యత్ రూపమే మెటావర్స్. ఇందులో 3డీ వర్చువల్ స్పేసెస్దే కీలక పాత్ర. ఇవి భావనాత్మక వర్చువల్ విశ్వంలో ఒకదాంతో మరోటి అనుసంధానమై ఉంటాయి. అంటే మెటావర్స్లో 3డీ రూపంలో ఒకరితో ఒకరు కలవటం నిజ ప్రపంచంలో మాదిరిగానే ఉంటుందని చెప్పుకోవచ్చు. అక్కడ కూడా ఇంటర్నెట్ను పలు రకాలుగా వినియోగించుకోవచ్చు. వర్చువల్ వస్తువులతో నిజ జీవితంలో మాదిరిగా జీవించొచ్చు. ఉదాహరణకు- ఇప్పుడు మనం జూమ్ సమావేశాలను కంప్యూటర్లోనో, మొబైల్లోనో నిర్వహిస్తున్నాం కదా. మెటావర్స్ పూర్తిగా అందుబాటులోకి వస్తే ఇవేవీ అవసరముండవు. వీఆర్ హెడ్సెట్ను తలకు ధరిస్తే సమావేశంలో పాల్గొనే అందరూ వర్చువల్ టేబుల్ చుట్టూ కూర్చొని, 3డీ రూపంలో ఒకరిని ఒకరు చూస్తూ మాట్లాడొచ్చు. అంతా ఒకే గదిలో కూర్చొని మాట్లాడుకుంటున్నట్టుగానే ఉంటుంది. దీంతో వాస్తవంగా కలిసి చర్చించుకుంటున్న భావన కలుగుతుంది. మెటావర్స్ కేవలం మీటింగులకే పరిమితమయ్యేది కాదు. వీఆర్ టెక్నాలజీ రోజురోజుకీ అధునాతనంగా మారుతోంది. ఆయా పనులకు వినియోగించుకునేలా తయారవుతోంది. వీటిని మెటావర్స్లోనూ కాల్పనిక ప్రపంచంలో ఉపయోగించుకోవచ్చు. ఉదాహరణకు- బ్యాంకులకు వెళ్లి పనులు చేసుకోవచ్చు. థియేటర్కు వెళ్లి సినిమాలు చూడొచ్చు. గ్యాలరీకి వెళ్లి కళాకృతులు సందర్శించొచ్చు. వర్చువల్ దుకాణాల్లో షాపింగ్ చేయొచ్చు. ఇలా ఆర్డరు చేయగానే అలా కంపెనీలకు చేరతాయి. అక్కడే డబ్బు చెల్లిస్తే సరుకులు నిజంగా ఇంటికి చేరతాయి. అంతేనా? మెటావర్స్ ద్వారా అనుసంధానమైన కాల్పనిక వాస్తవ ప్రాంతాల్లో ఇతరులతో కలిసి టెన్నిస్ వంటి ఆటలూ ఆడుకోవచ్చు. వీఆర్ హెడ్సెట్స్, ఆగ్మెంటెడ్ రియాలిటీ అద్దాలు, స్మార్ట్ఫోన్ యాప్స్తో ఇలా కాల్పనిక వాస్తవ ప్రపంచంలో ఎన్నెన్నో పనులు చేసుకోవచ్చు. స్నేహితులతో కలిసి షికారు చేయొచ్చు. ఇళ్లను కొనుక్కోవచ్చు. భూములు కొనుక్కోవచ్చు. ఆయా కార్యక్రమాలకు హాజరు కావొచ్చు. అంటే వీడియో సమావేశాలు, ఆన్లైన్ గేమ్స్, ఈమెయిళ్లు, వర్చువల్ రియాలిటీ, సామాజిక మాధ్యమాలు, ప్రత్యక్ష ప్రసారాలు.. అన్నీ ఒక్క మెటావర్స్లోనే నిక్షిప్తమై ఉంటాయన్నమాట.
ఎన్నెన్నో మార్పులు
ప్రస్తుతానికి మెటావర్స్ ఉనికిలో లేదు గానీ మున్ముందు వినూత్న టెక్నాలజీల సాయంతో పెను మార్పులకు శ్రీకారం చుట్టటం ఖాయం. వీటిల్లో ప్రధానమైనవి వీఆర్ హెడ్సెట్స్. ఇప్పటికే వీటిని ఎంతోమంది ఉపయోగిస్తున్నారు. మరింత నాణ్యమైన, తేలికగా ఉపయోగించగల రకాలూ అందుబాటులోకి వస్తున్నాయి. ఇవి గేమ్స్ ఆడుకోవటానికే పరిమితం కావటం లేదు. మొజిల్లా వెబ్ఆర్, ఫైర్ఫాక్స్ రియాలిటీ వంటి కొత్త ఇంటర్నెట్ పరిజ్ఞానాలు ఇతరులతో తేలికగా కనెక్ట్ కావటానికి ఉపయోగపడుతున్నాయి. బ్లాక్చైన్ పరిజ్ఞానంతో పుట్టుకొచ్చిన క్రిప్టోకరెన్సీలూ ఉత్తేజం కలిగిస్తున్నాయి. మెటావర్స్లో వీటితోనే వస్తువులు, భూములు, భవనాలు, డిజిటల్ మానవ రూపాలను కొనుక్కోవచ్చని, అమ్ముకోవచ్చని.. సేవలు పొందొచ్చని భావిస్తున్నారు. అంటే కాల్పనిక ప్రపంచంలో దేశాల మధ్య సరిహద్దులకు, ప్రభుత్వాల జోక్యాలకు ఎలాంటి తావుండదన్నమాట. ఇప్పటికే డీసెంట్రలాండ్, క్రిప్టోవోక్సెల్స్, సాండ్బాక్స్ వంటి వినూత్న కాల్పనిక ప్రపంచాలు పుట్టుకొచ్చేశాయి. వీటిని లక్షలాది మంది వినియోగిస్తున్నారు. డిజిటల్ వాతావరణాల్లో భూములూ కొంటున్నారు. ఇటీవల ఒక ప్లాటు 9లక్షల డాలర్లకు (రూ.6,73,98,615) అమ్ముడైంది కూడా. గేమ్స్ రంగంలోనూ మెటావర్స్ సంచలనాలు సృష్టించనుంది. ఫ్రంట్లైన్, మైన్క్రాఫ్ట్, రోబ్లాక్స్ వంటి ఆన్లైన్ గేమింగ్ వేదికలు విస్తృతరూపం ధరిస్తున్నాయి. ఇవి ఒక్క గేమ్లకే పరిమితం కాకుండా సామాజిక వేదికలుగానూ మారుతున్నాయి. వర్చువల్ క్లబ్లు, కచేరీలు, కార్యక్రమాలు నిర్వహిస్తున్నాయి. వీటిని ఒకరకంగా మెటావర్స్ రూపాలుగానే భావించొచ్చు. తాజాగా ప్రాచుర్యం పొందుతున్న డిజిటల్ సంపద నాన్-ఫంజిబుల్ టోకెన్ (ఎన్ఎఫ్టీ) సైతం మెటావర్స్లో కీలకపాత్ర పోషించనుంది.
పెరగనున్న ఆదరణ
కొవిడ్-19 నేపథ్యంలో ఇంటి నుంచే పనిచేయటం వంటి వాటితో ఆన్లైన్కు బాగా ఆదరణ పెరిగింది. పనులైనా, వ్యాపారాలైనా, వినోదమైనా అన్నీ ఆన్లైన్లోనే కానిచ్చేస్తున్నారు. గేమ్ ప్రియులు డిజిటల్ ప్రపంచంలో విహరిస్తూ సరికొత్త అనుభూతిని పొందుతున్నారు. ఇవన్నీ ఒకరకంగా మెటావర్స్ దిశగా డిజిటల్ ప్రపంచాన్ని నడిపేలా పురికొల్పుతున్నాయి. వాస్తవ ప్రపంచ ఆర్థిక వ్యవస్థకు, కాల్పనిక వాతావరణాలకు మధ్య సరిహద్దులు చెరిపేస్తున్నాయి. అందువల్ల మున్ముందు మెటావర్స్కు చాలా ఆదరణ పెరగనుందని భావిస్తున్నారు.
ఒకప్పుడు ఆన్లైన్ షాపింగ్ అంటేనే ఆశ్చర్యపోయేవారు. ఇప్పుడు వీటితోనే దాదాపు అన్ని వస్తువులను కొంటున్నారు. సేవలను పొందుతున్నారు. మెటావర్స్ రాకతో ఇలాంటి డిజిటల్ ప్రపంచ అనుభూతులు మరింత విస్తృతం అవుతాయనటంలో సందేహం లేదు.
సైన్స్ కాల్పనిక కథ నుంచి
మెటా అంటే మించి, దాటి అని. విశ్వాన్ని దాటి అని అర్థం స్ఫురించేలా దీనికి యూనివర్స్లోని వర్స్ను జోడించి మెటావర్స్ పదాన్ని సృష్టించారు. దీన్ని నీల్ స్టీఫెన్సన్స్ అనే రచయిత తొలిసారిగా వాడారు. ఆయన 1992లో రాసిన స్నో క్రాష్ అనే సైన్స్ ఫిక్షన్ నవలలో దీన్ని వాడారు. ఇందులో మనుషులు ప్రత్యేకమైన అద్దాలు ధరించి, డిజిటల్ అవతారాలుగా హెచ్డీ వర్చువల్ వాతావరణంలో ఒకరినొకరు కలుసుకుంటారు. ఇలాంటి భావనతోనే 2018లో రడీ ప్లేయర్ వన్ అనే సినిమా కూడా వచ్చింది. ఎర్నెస్ట్ క్లైన్ రాసిన పుస్తకం ఆధారంగా తీసిన ఈ సినిమాలో ప్రజలు రోజులో ఎక్కువ భాగం వీఆర్ హెడ్సెట్లతోనే గడుపుతుంటారు. ఓయాసిస్ అనే విశాలమైన కాల్పనిక వాస్తవ ప్రపంచంలోకి అడుగుపెడతారు. ఆ కల్పనే నేడు నిజమవుతోంది. కాల్పనిక వాస్తవ ప్రపంచంలో వాస్తవంగా విహరించేలా చేయనుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్. -
వృక్షో రక్షతి రక్షితః
జీవ పరిణామ సిద్ధాంతాన్ని ప్రతిపాదించిన ఛార్లెస్ డార్విన్ అప్పుడెప్పుడో కన్న కల ఎట్టకేలకు సాకారమైంది. ప్రపంచంలో మనకు తెలిసిన అన్ని మొక్కల జాబితాను రూపొందించాలనే ఆయన ఆశయాన్ని రాయల్ బొటానిక్ గార్డెన్స్ ఇటీవల సాకారం చేసింది. -
వాతావరణతరంగ శోధన
భూమి, అంతరిక్ష వాతావరణం మధ్య జరిగే చర్యల మీద అధ్యయనం చేయటం దీని ఉద్దేశం. -
ఏఐయ్యారే!
సాంకేతిక రంగంలో కృత్రిమ మేధ (ఏఐ) సృష్టిస్తున్న సంచలనం అంతా ఇంతా కాదు. ఛాట్జీపీటి సమస్త సమాచార సారాంశాన్ని చిటికెలో ముందుంచుతోంది. -
వర్షం కృత్రిమం
ఉక్కపోస్తే ఫ్యాన్ వేసుకుంటాం. చుట్టుపక్కల గాలిని మనవైపు తిప్పుకొంటాం. ఇంట్లో ఉష్ణోగ్రత పెరిగితే ఏసీ వేసుకుంటాం. వేడి గాలిని చల్లబరచి హాయిని అనుభవిస్తాం -
Phone Hacking: ఫోన్ హ్యాక్ అయ్యిందా?
ప్రభుత్వ ప్రాయోజిత అటాకర్లు ఐఫోన్ల మీద దాడి చేసే అవకాశముందని ఇటీవల యాపిల్ సంస్థ ప్రముఖ ప్రతిపక్ష నేతలు, పాత్రికేయులను హెచ్చరించటం తీవ్ర కలకలం సృష్టించింది. ఒక్క మనదేశానికి చెందినవారికే కాదు.. 150 దేశాల్లోకి వ్యక్తులకూ ఈ నోటిఫికేషన్లు అందాయి. దీనిపై కేంద్ర ప్రభుత్వం యాపిల్కు నోటీసులు జారీ చేసి, వివరణ కోరింది.