విద్యుత్తు గాలి!
కదలాడకపోతే గాలి ఉన్నట్టయినా తెలియదు గానీ దీని శక్తి అపారం. కొన్నిసార్లు మంద్రంగా వీయొచ్చు. ఇంకొన్నిసార్లు హోరు పెట్టొచ్చు. దీన్ని మనం నియంత్రించలేం...
కదలాడకపోతే గాలి ఉన్నట్టయినా తెలియదు గానీ దీని శక్తి అపారం. కొన్నిసార్లు మంద్రంగా వీయొచ్చు. ఇంకొన్నిసార్లు హోరు పెట్టొచ్చు. దీన్ని మనం నియంత్రించలేం. మరి మీటను నొక్కితే ఎప్పుడంటే అప్పుడు గాలి వచ్చేలా, పోయేలా చేస్తే? కిందికి, పైకి కదిలేలా చేస్తే? ఇది ఫ్యాన్ గాలి గురించి కాదు. విద్యుత్ గాలి సంగతి. అంటే విద్యుత్ క్షేత్రాలతో పుట్టుకొచ్చే గాలి ప్రవాహం అన్నమాట. దీని వినియోగంపై ఇప్పుడిప్పుడే సరికొత్త అడుగులు పడుతున్నాయి.
విద్యుత్ గాలి. ఎలక్ట్రికల్ విండ్. పేరేదైనా శాస్త్రవేత్తల దృష్టిని ఆకర్షిస్తున్న సరికొత్త ఇంధనమిది. దీన్ని సృష్టించటానికి ఫ్యాన్ రెక్కల మాదిరిగా కదిలే పరికరాల అవసరమేమీ లేదు. ఇది కేవలం విద్యుత్ క్షేత్రాల బలంతోనే పుట్టుకొస్తుంది. విద్యుత్ గాలి గురించి శతాబ్దాల నుంచే తెలిసినా దీన్ని కావలసినట్టుగా నియంత్రించొచ్చని ఇటీవలే అవగతమైంది. దీన్ని ఎలా వినియోగించుకోవాలన్నదే ఇప్పుడు సవాల్. అలాగని శాస్త్రవేత్తలు నిరాశ పడలేదు. దీని సాయంతో ఇప్పటికే చిన్న విమానాన్ని నడిపించటంలో సఫలీకృతమయ్యారు. విద్యుత్ గాలిని నెమ్మదిగా, కచ్చితమైన దిశలో ప్రవహించేలా చేయటం ద్వారా ఉక్కు తయారీ వంటి పారిశ్రామిక ప్రక్రియల సామర్థ్యాన్ని మెరుగు పరచుకునే అవకాశముందనీ భావిస్తున్నారు. స్వచ్ఛ ఇంధనం దిశగా తేలికగా మారటానికీ, ఉద్ధృతమైన సహజ గాలుల నుంచి మనల్ని కాపాడుకోవటానికీ ఉపయోగపడగలదని భావిస్తున్నారు.
300 ఏళ్ల క్రితమే
విద్యుత్ గాలిని అయానిక్ గాలి అనీ పిలుచుకుంటుంటారు. రాయల్ సొసైటీలో పనిచేసే ప్రాన్సిస్ హాక్స్బీ 1709లోనే దీన్ని కనుగొన్నారు. ఆయన గాజు గొట్టాన్ని రుద్ది, దానికి స్థిర విద్యుదావేశాన్ని కలిగించే ప్రయత్నం చేస్తుండగా అనూహ్యంగా ఇది బయటపడింది. ఆ గాజు గొట్టాన్ని బుగ్గ దగ్గరకి తీసుకొచ్చినప్పుడు ఆయనకు ఏదో మృదువైన బలం తాకుతున్న అనుభూతి కలిగింది. ప్రముఖ శాస్త్రవేత్త ఐజాక్ న్యూటన్ తిరిగి ఈ ప్రయోగాన్ని చేసి, అది నిజమేనని నిర్ధారించారు. దీన్నే ఆయన ‘ఎలక్ట్రానిక్ ఆవిరి’గా భావించారు. అయితే ఆయన దీన్ని పూర్తిగా అర్థం చేసుకోలేకపోయారు. చివరికి 1899లో భౌతిక శాస్త్రవేత్త ఆర్థర్ ప్రిన్స్ చాటోక్ దీని గుట్టును ఛేదించారు. దూరంగా ఉన్న రెండు ఎలక్ట్రోడ్లను అధిక వోల్టేజీకి గురిచేస్తే.. అవి గాలిలోని అణువుల నుంచి ఎలక్ట్రాన్లను విడుదల చేస్తాయని, విద్యుదావేశిత రేణువులను సృష్టిస్తాయని గుర్తించారు. ఇవి వ్యతిరేక విద్యుదావేశిత ఎలక్ట్రోడ్ల వైపు ఆకర్షితమయ్యే క్రమంలో ఇతర అణువులతో ఢీకొంటాయి. వాటిల్లో కొంత వేగాన్ని పుట్టిస్తాయి. గాలి లాంటి ప్రవాహం పుట్టుకొస్తుంది. అదే విద్యుత్ గాలి.
సరికొత్త విమానం
సైన్స్ ఫెయిర్లలో విద్యార్థులు ఫాయిల్తో చేసిన పరికరాలతో చిన్న చిన్న వస్తువులను గాల్లో ఎగిరేలా చేయటం చూస్తూనే ఉంటాం. దీనికి కారణం అయానిక్ గాలి ప్రవాహమే. దీని స్ఫూర్తితోనే మసాచుసెట్స్ ఇన్స్టిట్యూట్ ఆఫ్ టెక్నాలజీ (ఎంఐటీ) శాస్త్రవేత్త స్టీవెన్ బ్యారెట్ కొత్తరకం విమానాన్ని సృష్టించారు. విమానాల్లో చాలావరకు భారీ, అతి సంక్లిష్టమైన యంత్రాలు ఉంటాయి. శిలాజ ఇంధనాలతోనే పనిచేస్తుంటాయి. ఇక్కడే బ్యారెట్ వినూత్నంగా ఆలోచించారు. కదిలే భాగాలేవీ లేకుండా విద్యుత్ గాలి చోదకంగా ప్రయాణించే విమానాన్ని తయారు చేయాలనేది ఆయన కల. సుమారు తొమ్మిదేళ్లు కృషి చేసి ఏఈడీ ఎయిర్ఫ్రేమ్ వీ2 విమానాన్ని రూపొందించారు. దీన్ని 2018లో ప్రయోగాత్మకంగా విద్యుత్ గాలితో ఎగిరించటంలో విజయం సాధించారు. 5 మీటర్ల పొడవైన రెక్కలు, 2.5 కిలోల బరువున్న అది 60 మీటర్లు ప్రయాణించింది. పెద్ద, బరువైన విమానాలకు అవసరమైన విద్యుత్ గాలిని సృష్టించే యంత్రాల తయారీపై ఇప్పుడు దృష్టి సారించారు. త్వరలోనే కొత్తరకం ప్రయోగాత్మక విమానాన్ని పరీక్షించనున్నారు కూడా.
ఎన్నెన్నో లాభాలు
వాహనాలకు చోదక శక్తిని అందించటమే కాదు, వాటి సామర్థ్యం గణనీయంగా మెరుగుపడటానికీ విద్యుత్ గాలి తోడ్పడుతుంది. లారీలు, బస్సుల చుట్టూ నిర్ణీత పద్ధతిలో విద్యుత్ గాలి జనరేటర్లను అంటించొచ్చు. దీంతో వాహనాలు ఎదురుగాలిని తట్టుకునే క్రమంలో ఇంధనం ఎక్కువగా ఖర్చుకాకుండా చూసుకోవచ్చు. పరిశ్రమల్లో బర్నర్లు సమర్థంగా పనిచేసేలా ఆక్సిజన్ ప్రవాహాన్ని నియంత్రించటానికి, ఆయా మంటలను కావాల్సిన విధంగా మార్చుకోవటానికీ విద్యుత్ గాలి వీలు కల్పిస్తుంది. దీంతో ఇంధన వినియోగం గణనీయంగా తగ్గుతుంది. స్టీలును తయారు చేసేటప్పుడు దాని ఉపరితలం మీద విద్యుత్ గాలిని ప్రసరింపజేసి, నాణ్యతను మెరుగు పరచుకోవచ్చు. విద్యుత్గాలి జనరేటర్లను అమర్చటం ద్వారా హోరుగాలికి వంతెనల వంటివి కూలిపోకుండా చూసుకోవచ్చు. ఇవి వ్యతిరేక దిశలో బలాన్ని సృష్టించటం వల్ల హోరుగాలి ప్రభావం తగ్గుతుంది. ఏదో ఒకరోజు మీటను నొక్కటం ద్వారా ఇలాంటి ప్రకృతి విధ్వంసాలను ఎదుర్కొనే అవకాశం లేకపోలేదని శాస్త్రవేత్తలు గట్టిగా విశ్వసిస్తున్నారు.
విద్యుత్గాలి ఎలా పనిచేస్తుంది?
విద్యుదావేశిత రేణువులు ఒక ఎలక్ట్రోడ్ నుంచి మరో ఎలక్ట్రోడ్కు కదిలే క్రమంలో విద్యుత్ గాలి పుట్టుకొస్తుంది. ఇవి కొంత వేగాన్ని మార్పిడి చేస్తూ ప్రవాహాన్ని సృష్టిస్తాయి. గాలిలో ఎన్నో రేణువులు ఉంటాయి కదా. వాటన్నింటినీ దాటి కొన్ని విద్యుదావేశిత రేణువులు నిర్ణీత వేగంతో ఎలా ప్రయాణిస్తాయి? విద్యుత్ క్షేత్రంలో ప్రవహించే విద్యుత్ వీటికి ఒక మార్గం వేస్తుంది. వీటి నుంచే విద్యుదావేశిత రేణువులు చెదిరిపోకుండా, తేలికగా కదులుతూ ప్రవాహం వంటి బలాన్ని సృష్టిస్తాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది
తాజా వార్తలు (Latest News)
-
ఎన్నికల ముంగిట.. అవినీతి కేసులో ప్రఫుల్ పటేల్కు క్లీన్ చిట్
-
భవిష్యత్ తరాల కోసం తెదేపాకు ఓటు వేయాలి: భువనేశ్వరి
-
పూజాహెగ్డే ‘స్పై’ ఫొటో.. ప్రగ్యా ‘పోజు’ రిపీట్.. మెహందీతో కావ్య!
-
ఇతరులను బెదిరించడం కాంగ్రెస్ సంస్కృతి.. ‘లాయర్ల లేఖ’పై ప్రధాని మోదీ
-
శివసేనలో చేరిన నటుడు గోవిందా.. లోక్సభ ఎన్నికల్లో పోటీ!
-
భుజంగరావు, తిరుపతన్నకు 5 రోజుల పోలీసు కస్టడీ