పాత పరికరం కొత్త ఉపయోగం
స్మార్ట్ఫోన్లు కావొచ్చు, ట్యాబెట్లు కావొచ్చు. ఏటా కొత్తరకంగా పలకరిస్తూనే ఉంటాయి. వినూత్న ఫీచర్లతో ఊరిస్తూనే ఉంటాయి. మనసెలా ఊరుకుంటుంది? ఏమైనా సరే వెంటనే కొనేస్తాం.....
రేడియో, పోడ్కాస్ట్ యాప్లకు పెద్ద కన్ఫిగరేషన్స్ అక్కర్లేదు. వీటి కోసమూ పాత పరికరాలు ఉపయోగ పడతాయి.
స్మార్ట్ఫోన్లు కావొచ్చు, ట్యాబెట్లు కావొచ్చు. ఏటా కొత్తరకంగా పలకరిస్తూనే ఉంటాయి. వినూత్న ఫీచర్లతో ఊరిస్తూనే ఉంటాయి. మనసెలా ఊరుకుంటుంది? ఏమైనా సరే వెంటనే కొనేస్తాం. మరి పాత పరికరాన్ని ఏం చేయాలి? ఇక్కడే పెద్ద సందేహం పుట్టుకొస్తుంది. ఇతరులకు ఇవ్వచ్చు. కావాలంటే అమ్మొచ్చు. రీసైక్లింగ్కు ఇవ్వచ్చు. అంతేనా? మనసు పెట్టి ఆలోచిస్తే కాలం చెల్లిన హార్డ్వేర్తో కూడిన పాత పరికరాలనైనా ఉపయోగకరంగా మార్చుకోవచ్చు. అదీ అదనంగా ఎక్కువ ఖర్చు పెట్టకుండానే. అలాంటి ఉపాయాల్లో కొన్ని ఇవీ..
మల్టీమీడియా పరికరంగా..
వంటింట్లోనో, ఆఫీసు గదిలోనో మరో టీవీని పెట్టుకోవాలని అనుకుంటున్నారా? టీవీ ప్రొవైడర్కో, స్ట్రీమింగ్ సర్వీసుకో చందా కట్టి ఉన్నట్టయితే పాత ఫోన్, ట్యాబ్లెట్నే టీవీగా మార్చుకోవచ్చు. టీవీ ప్రొవైడర్ లేదా అమెజాన్ ప్రైమ్, నెట్ఫ్లిక్స్ వంటి స్ట్రీమింగ్ సర్వీసు యాప్లను డౌన్లోడ్ చేసుకుంటే సరి. ఎంచక్కా నచ్చిన కార్యక్రమాలు, సినిమాలు అక్కడే చూసుకోవచ్చు. పాత పరికరాల్లో బ్యాటరీ త్వరగా నిండుకుంటుంది కాబట్టి విద్యుత్తు ప్లగ్ దగ్గరే పెట్టుకోవటం మంచిది. ఒకపక్క ఛార్జింగ్ అవుతూనే మరోవైపు వీడియోలు చూపిస్తుంది. కావాలంటే స్పీకర్ క్రాడిల్లోనూ పెట్టుకోవచ్చు. ఇదీ పరికరాన్ని ఛార్జ్ చేస్తుంది. ఇలా అంతరాయం లేకుండా సంగీతం, పోడ్క్యాస్ట్ల వంటివీ వినొచ్చు. బ్లూటూత్ స్పీకర్తో అనుసంధానం చేసుకున్నా మేలే. పాత ట్యాబ్లెట్లను ప్రత్యేకించి ఇ-బుక్ రీడర్లుగానూ వాడుకోవచ్చు. అంతేకాదు.. ఛార్జర్కు కనెక్ట్ చేసి డిజిటల్ ఫొటో ఫ్రేమ్గానూ ఉపయోగించుకోవచ్చు.
సార్వత్రిక రిమోట్గా..
స్మార్ట్ హోం ఉపకరణాలు, మ్యూజిక్ లైబ్రరీలు, ఇంటర్నెట్ కనెక్టెడ్ టీవీల వంటి పరికరాలను ఇప్పుడు యాప్స్తోనే కంట్రోల్ చేసే వీలుంది. మరి పాత ఫోన్, ట్యాబ్లెట్ను వీటన్నింటికీ ఉపయోగపడే రిమోట్ కంట్రోల్గా మార్చుకుంటే పోలా? ఇందుకోసం థర్డ్ పార్టీ యాప్లు చాలానే ఉన్నాయి గానీ అమెజాన్, యాపిల్, గూగుల్, ఎల్జీ ఎలక్ట్రానిక్స్, సామ్సంగ్ వంటి సంస్థలు సొంత ప్రోగ్రామ్లతోనే పనిచేస్తాయి. ఆయా పరికరాల హార్డ్వేర్కు సరిపడిన యాప్లను డౌన్లోడ్ చేసుకొని, ఇన్స్టాల్ చేసుకుంటే చాలు. నట్టింటి నుంచే అన్ని పరికరాలనూ ఓ కంట కనిపెట్టొచ్చు. లైట్లు, స్మార్ట్ ప్లగ్లు, స్పీకర్లు, థర్మోస్టాట్స్.. చివరికి వ్యాక్యూమ్ క్లీనర్ల వంటి వాటిని దూరం నుంచే కంట్రోల్ చేయటానికి గూగుల్ ప్లే స్టోర్, యాప్ స్టోర్లో ఎన్నో యాప్స్ అందుబాటులో ఉన్నాయి. గూగుల్ హోం, ఓలిస్టో, ఐహాస్, స్మార్ట్థింగ్స్, యోనోమి, ఐఎఫ్టీటీటీ. హోం రిమోట్.. ఇలా చెప్పుకొంటూ పోతే వీటి జాబితాకు అంతే లేదు. ఐఓస్ పరికరాల కోసం యాపిల్ టీవీ, ఐట్యూన్స్ రిమోట్ యాప్లు ప్రయత్నించొచ్చు.
గేమింగ్ కోసం..
ప్రాసెసర్, బ్యాటరీ పరిస్థితిని బట్టి పాత పరికరాన్ని గేమింగ్ ఉపకరణంగానూ వాడుకోవచ్చు. ముందే మొత్తం డేటాను తొలగిస్తే మరిన్ని గేమ్స్ డౌన్లోడ్ చేసుకోవటానికి, స్టోర్ చేసుకోవటానికి తగిన స్పేస్ లభిస్తుంది. మొబైల్ గేమింగ్కు అనుగుణంగా మార్చిన పాత గేమ్స్ యాప్స్టోర్లో చాలానే ఉన్నాయి. అలాగని వీటికే పరిమితం కావాల్సిన పనిలేదు. యాపిల్ ఆర్కేడ్, గూగుల్ స్టేడియా వంటి సబ్స్క్రిప్షన్ సర్వీసులు చాలా మొబైల్ పరికరాల్లో పనిచేస్తాయి. గూగుల్ క్రోమ్కాస్ట్ గేమ్ మోడ్ లేదా ఎయిర్ప్లే టెక్నాలజీ ద్వారానైతే టీవీల వంటి పెద్ద స్క్రీన్ల మీదా గేమ్స్ ఆడుకోవచ్చు. పాత ఫోన్కు రేజర్ కిషి వంటి ప్రత్యేక కంట్రోలర్లను అమర్చితే వేళ్లతో బటన్లను నొక్కుతూ తేలికగా ఆడుకోవచ్చు.
అటు వినోదం.. ఇటు విజ్ఞానం
పాత ఫోన్, ట్యాబ్లెట్లను పిల్లల చదువుల కోసమూ వాడుకోవచ్చు. గేమ్స్, ఎడ్యుకేషనల్ యాప్స్ను ఉపయోగించుకోవటాన్ని పిల్లలు బాగానే నేర్చుకున్నారని భావిస్తే ముందుగా కొన్ని జాగ్రత్తలు తీసుకోవటం మంచిది. సెటింగ్స్లోకి వెళ్లి వ్యక్తిగత సమాచారాన్ని తొలగించేయాలి. పిల్లల, పెద్దల భద్రతకు ఇది ఎంతైనా అవసరం. తర్వాత పిల్లల కోసం విడిగా అకౌంట్ తెరవాలి. పేరెంటల్ కంట్రోల్స్ను కన్ఫిగర్ చేసుకోవాలి. దీంతో పరికరాలను వాడే సమయం, యాప్ కొనుగోలు, ఇంటర్నెట్ యాక్సెస్ వంటి వాటిని నియంతించొచ్చు. ఒకవేళ ఫోన్ కెమెరా ఇంకా పనిచేస్తున్నట్టయితే, ఎక్కువసేపు ఛార్జింగ్ ఉంటున్నట్టయితే ఫొటోగ్రఫీలో పిల్లలకు పాఠాలు బోధించొచ్చు. పిల్లల యాప్స్టోర్ ఖాతాకు ప్రీపెయిడ్ గిఫ్ట్ కార్డును జతచేస్తే మనీ మేనేజ్మెంట్ నైపుణ్యాలూ అలవడతాయి. గంటలోపే ఛార్జింగ్ నిండుకునేట్టయితే కాలం విలువను, కాలాన్ని సద్వినియోగం చేసుకోవటాన్నీ పరోక్షంగా నేర్పించినట్టూ అవుతుంది.
పెద్దవారి నిద్రకూ..
సమయానికి నిద్ర లేపటానికి, కంటి నిండా నిద్రపోవటానికి ఉపయోగపడే యాప్స్ను జోడిస్తే పాత ఫోన్ అయినా పెద్దవారికి ఎంతగానో ఉపయోగపడుతుంది. ఉదాహరణకు- క్యారట్ అలారమ్ యాప్ వ్యంగ్య డైలాగులు, పాటలతో నిద్ర లేపుతుంది. ఇక పిజిజ్ యాప్ అయితే తేలికగా గాఢనిద్రలోకి జారుకునేలా చేస్తుంది. అలాగే ఉదయాన్నే నెమ్మదిగా నిద్ర లేపుతుంది. పాత ఫోన్తో రోజంతా పెద్దగా పనేమీ ఉండదు కాబట్టి అలా ఛార్జింగ్ పెట్టి వదిలేస్తే సరి. రాత్రంతా పనిచేస్తూనే ఉంటుంది.
నిఘా కెమెరాగా..
కెమెరా, వైఫై కనెక్షన్తో కూడిన పాత ఫోన్ను సెక్యూరిటీ కెమెరాగానూ వాడుకోవచ్చు. ఇందుకోసం సంక్లిష్టమైన సాఫ్ట్వేర్లను సెట్ చేసుకోవాల్సిన అవసరమేమీ లేదు. ఖర్చూ అవసరం లేదు. ప్రజెన్స్ వంటి యాప్స్ను డౌన్లోడ్ చేసుకొని ఇన్స్టాల్ చేసుకుంటే చాలు. పాత ల్యాప్టాప్లో విడిగా స్కైప్ అకౌంట్ను క్రియేట్ చేసుకోవాలి. పాత ఫోన్ కెమెరా నుంచి ఇన్కమింగ్ వీడియోకాల్స్ను ఆటోమేటిక్గా స్వీకరించేలా ప్రోగ్రామ్ సెట్ చేసుకోవాలి. దీంతో ఆఫీస్ నుంచి ఇంటికి వీడియో కాల్ చేసుకోవటానికి, పెంపుడు జంతువుల వంటి వాటిని కనిపెట్టుకోవటానికి వీలుంటుంది.
పిల్లలను కనిపెట్టుకునేలా..
పాత మొబైల్ ఫోన్లు, ట్యాబెట్లు పిల్లలను కనిపెట్టుకోవటానికి కూడా ఉపయోగపడతాయి. ముఖ్యంగా ఎప్పుడైనా బయటకు వెళ్లినప్పుడు ఇంట్లో పిల్లలు ఎలా ఉన్నారనేది చూసుకోవటానికి వీలుంటుంది. ముందుగా డోర్మీ వంటి యాప్లను డౌన్లోడ్ చేసుకొని, ఇన్స్టాల్ చేసుకోవాలి. ఒకసారి వైఫైతో కనెక్ట్ అయితే సరి. పిల్లలు ఏడ్వటం వంటి శబ్దాలను యాప్ పసిగడుతుంది. వెంటనే వాటిని మన దగ్గరున్న ఫోన్కు చేరవేస్తుంది. అప్పుడు పిల్లలను వీడియోలో చూస్తూ, వారితో మాట్లాడుతూ సముదాయించొచ్చు కూడా.
కారును గుర్తించటానికి..
ఛార్జింగ్ కేబుల్కు అనుసంధానం చేసి పాత ఫోన్ను కారులో వెనకాల పడేశారనుకోండి. అలా పడుంటుంది. ఎప్పుడైనా అత్యవసరమైతే బ్యాకప్ ఫోన్గా ఉపయోగపడుతుంది. అదే లొకేషన్ను ఆన్చేసి ఉంచామనుకోండి. ఒకవేళ ఎవరైనా దొంగిలిస్తే కారు ఎక్కడుందనేదీ ఇట్టే పసిగట్టొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
సైన్ఇన్ లేకుండానే ఛాట్జీపీటీ
ఛాట్జీపీటీని వాడుకోవాలంటే ముందు సైన్ఇన్ కావాల్సి ఉంటుంది. పాస్వర్డ్ను మరచిపోవటం వంటి సందర్భాల్లో ఇది కష్టంగా అనిపిస్తుంటుంది. -
నిర్ణీత సమయానికి ఎస్ఎంఎస్
ఆత్మీయుల పుట్టినరోజు. సరిగ్గా అర్ధరాత్రి 12 గంటలకు ఎస్ఎంఎస్ పంపించాలని అనుకుంటాం. కానీ అప్పటివరకూ మెలకువగా ఉండకపోతే? నిద్రపోయినప్పుడు ఆ సమయానికి మెలకువ రాకపోతే? ఇలాంటి సమయాల్లోనే నిర్ణీత సమయానికి మెసేజ్లు అందే సదుపాయం ఉంటే బాగుండునని అనిపిస్తుంటుంది. -
ఎక్స్లో కమ్యూనిటీ నోట్స్
ఎన్నికలకు సన్నద్ధం అవుతున్న తరుణంలో ఎక్స్ (ట్విటర్) మనదేశంలో కమ్యూనిటీ నోట్స్ను అందుబాటులోకి తెచ్చింది. ఈ ఫీచర్కు కంట్రిబ్యూట్ చేయటానికి కొత్తవారికీ ఆహ్వానం పలికింది -
వైఫై పాస్వర్డ్ మరిచారా?
ఇంటికి వచ్చిన అతిథులో, పరిచయం ఉన్నవారో వైఫై పాస్వర్డ్ అడుగుతుంటారు. చాలాసార్లు అదేంటో గుర్తుకురాదు. మరెలా? చేతిలో ఫోన్ ఉంటే ఇట్టే తెలుసుకోవచ్చు. ఐఫోన్ వాడేవారైతే- సెటింగ్స్ ద్వారా వైఫై విభాగంలోకి వెళ్లాలి. -
సైబర్ నేరాలకు చక్షు కళ్లెం
మోసపూరిత కాల్స్, మెసేజ్ల వంటి సైబర్ నేరాలను అరికట్టటానికి టెలికం విభాగం కొత్త పోర్టల్ను పరిచయం చేసింది. సంచార్ సాథీ కార్యక్రమంలో భాగంగా తీసుకొచ్చిన దీని పేరు చక్షు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో.
తాజా వార్తలు (Latest News)
-
‘నా తమ్ముడికి ఓట్లేస్తే మీకు నీళ్లు’.. డీకే శివకుమార్ వ్యాఖ్యలపై కేసు నమోదు
-
‘చోటా కె గారు.. మీ గౌరవాన్ని కాపాడుకోండి’.. కాదు.. కూడదంటే I AM Waiting: హరీశ్
-
హెచ్డీఎఫ్సీ ఫలితాలు.. నికర లాభం రూ.17,622 కోట్లు
-
అనారోగ్య సమస్యలతో కేజ్రీవాల్ మరణించేలా కుట్ర: దిల్లీ మంత్రి సౌరభ్ భరద్వాజ్
-
‘ఇంకెవరూ మీ భార్యే..’: కోహ్లీ ఆన్సర్కు షాకైన దినేశ్ కార్తిక్
-
ఈనాడు.నెట్లో టాప్ 10 వార్తలు @ 5 PM