Breaking | Feedback | ePratibha | E-PAPER | Pratibha

Google Pixel 6: గూగుల్ పిక్సెల్‌ 6 కొత్త అప్‌డేట్.. విడుదల ఎప్పుడంటే?

Google Pixel 6: గూగుల్ కొత్త ఫోన్ పిక్సెల్‌ 6ను అక్టోబరు 19న విడుదల చేయనున్నట్లు తెలుస్తోంది. దాన్ని ధృవీకరించే విధంగా ఇన్‌స్టాగ్రాంలో ఫొటోను విడుదల చేసింది.

Updated : 14 Sep 2023 17:10 IST

(Photo Credit: Google)

ఇంటర్నెట్‌డెస్క్‌: గూగుల్ కొత్త ఫోన్ పిక్సెల్ 6కి సంబంధించి ఫీచర్లు గత కొంతకాలంగా నెట్టింట్లో చక్కర్లు కొడుతున్నాయి. తాజాగా గూగుల్ పిక్సెల్‌ 6కి సంబంధించిన ఫొటోలను ఇన్‌స్టాగ్రాంలో షేర్ చేసింది. అలానే పిక్సెల్‌ 6కి సంబంధించిన వీడియో టీజర్‌ను కూడా విడుదల చేసింది. ఈ ఫోన్‌ను రెండు వేరియంట్లలో తీసుకొస్తున్నట్లు తెలుస్తోంది. పిక్సెల్‌ 6 ప్రో మోడల్‌లో 6.7 అంగుళాలు, పిక్సెల్‌ 6 మోడల్‌లో 6.4 అంగుళాల పంచ్‌హోల్‌ ఓఎల్‌ఈడీ డిస్‌ప్లే ఇస్తున్నారట. పిక్సెల్‌ 6 ఫొటోలను బట్టి ఈ ఫోన్ ఆండ్రాయిడ్ 12 ఓఎస్‌తో పనిచేస్తుందని తెలుస్తోంది. అలానే ఇన్‌స్టాగ్రాంలోని ఫొటోల ఆధారంగా ఈ ఫోన్‌ అక్టోబరు 19న 9:30 గంటలకు విడుదల చేయనున్నట్లు టెక్‌ వర్గాల అంచనా. ఇందులో గూగుల్ సొంతంగా రూపొందించిన టెన్సర్ చిప్‌సెట్‌ను ఉపయోగించినట్లు సమాచారం. 50 ఎంపీ ప్రైమరీ కెమెరాతోపాటు 5,000 ఎంఏహెచ్ బ్యాటరీ వంటి ఫీచర్స్ ఇస్తున్నారట. 8జీబీ ర్యామ్‌/ 512జీబీ అంతర్గత మెమొరీ వేరియంట్‌ ధర సుమారు రూ. 55,000 వరకు ఉండొచ్చని తెలుస్తోంది. అంతేకాకుండా గత ఫోన్లతో పోలిస్తే పిక్సెల్‌ 6లో డిజైన్‌, ఫీచర్ల పరంగా కీలక మార్పులు చేసినట్లు సమాచారం.

► Read latest Technology News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.