విడాకులు తీసుకున్నా...ఆయన ఫించను రాదా!

మా బంధువుల్లో ఒకామె పెళ్లి చేసుకుని.. బాబు పుట్టాక మనస్పర్థలతో భర్తతో విడిపోయింది. ఆమె భర్త ప్రభుత్వ ఉద్యోగం చేసి పదవీ విరమణ చేశారు. అప్పటి నుంచి పీఎఫ్‌ పింఛను పొందుతున్నారు. అతనికి ఆరోగ్యం బాగోక పోవడంతో కొన్నాళ్ల క్రితం భార్య, కొడుకు దగ్గరకి వచ్చి వాళ్లతోనే ఉన్నారు. నెల క్రితం ఆయన చనిపోయారు. ఆ విషయాన్ని ఈపీఎఫ్‌ వాళ్లకి చెబితే... వారు అబ్బాయి పేరుతో ఉన్న యాభైవేల రూపాయల్ని తెచ్చి ఇచ్చారు. భార్య పింఛనుకు దరఖాస్తు చేస్తే.. విడాకులు తీసుకున్నందువల్ల ఆమెకు అర్హత లేదన్నారు. అయితే ఆవిడ మళ్లీ పెళ్లి చేసుకోలేదు. ఈ కారణంతో పింఛను వచ్చే అవకాశం ఏమైనా ఉందేమో తెలియజేయగలరు?

- ఓ సోదరి

మీ బంధువైన మహిళ రెండో పెళ్లి చేసుకోకపోవడం పింఛనుకి అర్హత కాదు. సాధారణంగా పెన్షన్‌ యాక్ట్‌ రూల్స్‌ ప్రకారం నామినీకి మాత్రమే ఫించను తీసుకునే అర్హత ఉంది. అది భార్యాపిల్లలు ఎవరైనా కావొచ్చు. ఒకవేళ మెయింటెనెన్స్‌ లేదా భరణం ఇవ్వాలని విడాకుల కేసులో ఒప్పందం జరిగినా లేదా కోర్టు తీర్పు చెప్పినా భర్త బతికి ఉన్నప్పుడే ఆ ఆర్డరు కాపీని జతపరుస్తూ పింఛను అధికారులకు దరఖాస్తు చేసుకోవలసింది. అప్పుడు పరిస్థితి వేరుగా ఉండేది. ముందు పింఛను నామినీగా ఎవరిపేరు ఉందో తెలుసుకోండి. ఒకవేళ పిల్లలు పేర్లు పెట్టి ఉంటే వారు తమని తాము పోషించుకోలేని స్థితిలో ఉన్నా, మైనర్లు అయినా సంబంధిత అధికారులకు దరఖాస్తు చేసుకోవచ్చు. అయితే కేంద్ర, రాష్ట్ర పింఛను నిబంధనల్లో కొన్ని తేడాలు ఉంటాయి. దానికనుగుణంగా మీరు వారికి అప్లై చేసుకోవాల్సి ఉంటుంది. విడాకులు తీసుకున్న భార్య పింఛనుకు అర్హురాలు కాదు. విడాకులు తీసుకున్న కూతురు మాత్రం అర్హురాలే. ఏదైనా ముందు వారసులు కింద పిల్లలు కోర్టులో నిరూపించుకోవాల్సి ఉంటుంది. భర్త బతికి ఉన్నప్పుడు ఆవిడ పేరు మీద ఏదైనా వీలునామా రాసి... దానిలో ఆమెని హక్కుదారు అని ప్రస్తావించి ఉంటే దాన్ని ఆధారంగా చూపించి పింఛను కోసం ప్రయత్నించవచ్చు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App