పాపాయి పెదవులు నల్లగా ఉన్నాయి...

మా పాపకు నాలుగేళ్లు. తన పెదవులు నల్లగా ఉన్నాయి. ఇంత చిన్న వయసులో పిల్లలకు సాధారణంగా ఎర్రగా లేదా గులాబీ రంగులో ఉండాలి కదా. ఏంచేస్తే పెదవులు ఎర్రగా అవుతాయి? - ఓ సోదరి

అనారోగ్య సమస్యల వల్ల పెదవులు నల్లగా ఉన్నాయేమోనని కొందరు భయపడుతుంటారు. కానీ ఎలాంటి సమస్యలూ లేకపోయినా కొందరికి పెదవులు నల్లగానే ఉంటాయి. చిన్నతనం నుంచీ ఇలాగే ఉంటే భయపడాల్సిన పనిలేదు. ఈ రంగు అకస్మాత్తుగా మారితేనే ఏదైనా సమస్య ఉందేమోనని ఆలోచించాలి.
కారణాలు: మెలనిన్‌ పిగ్మెంట్‌ ఎక్కువగా ఉత్పత్తయినా, హార్మోన్లలో తేడాలు, కొన్ని రకాల ఔషధాల వాడకం వల్ల పెదవులు, చెంపలు, ముక్కు, చుబుకం కింది భాగాల్లో నల్లగా అవుతుంది. పుట్టుకతోనే ఎడిసన్స్‌ వ్యాధి ఉన్నా, ఎనీమియా, సైనోసిస్‌, ఎటోపిక్‌ డెర్మటైటిస్‌, పోషకాహార లోపం వల్ల కూడా పెదవుల రంగు మారుతుంది. పిల్లలు కూడా లిప్‌బామ్‌లు, లిప్‌స్టిక్‌లు వాడినా ఇలా అవుతుంది. కొంతమంది చిన్నారులు టూత్‌పేస్టు తింటుంటారు. ఆ అలర్జీ వల్లా ఇలా జరుగుతుంది.
ఎర్రగా మారాలంటే... బంగాళాదుంపలు, బీట్‌రూట్‌ ముక్కలు, ఐస్‌క్యూబ్స్‌తో పెదవులపై రుద్దితే ఫలితం ఉంటుంది. అలాగే కలబంద గుజ్జు, క్యారెట్‌ రసాన్ని రాసినా మంచిదే. ముఖ్యంగా పోషకాహారం అందించాలి. తాజా పండ్లు, కూరగాయలను పిల్లలకు తినిపించాలి. గంటకోసారి చిన్నగ్లాసు మంచినీళ్లూ ఇవ్వాలి. చిన్నారులను ఎక్కువగా ఎండలోకి వెళ్లనీయకూడదు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App