ప్రాణాలకు తెగించిన సాహసానికి... రాష్ట్రపతి అవార్డు!

నవంబరు 4, 2018.. విశాఖ జిల్లా రేవుపోలవరం బీచ్‌కు 20మందికిపైగా స్కూల్‌పిల్లలు వచ్చారు. వాళ్లంతా ఉత్సాహంగా కేరింతలు కొడుతూ ఆటల్లో మునిగిపోయారు. అంతలో ఊహించని ఘటన జరిగింది. ఆడుకుంటున్న పిల్లల్లో ఇద్దరు సముద్రపునీటిలో కొట్టుకుపోతూ... సాయం కోసం అరుస్తున్నారు. అక్కడే ఉన్న సాహితి వాళ్లని చూసింది. అంతే ఒక్క ఉదుటున ఎగిసిపడుతున్న అలల్లోకి దూకి చిన్నారుల దగ్గరకు క్షణాల్లో చేరుకుంది. ఊపిరాడని పరిస్థితిలో ఉన్న ఆ ఇద్దరిలో ఒకరిని తన భుజంపై వేసుకుంది. మరొకరిని ఒకచేత్తో గట్టిగా పట్టుకుంది. అతికష్టంమీద ఒడ్డుకు ఈదుకుంటూ వచ్చింది. తన గురించి క్షణం కూడా ఆలోచించకుండా ప్రాణాలకు తెగించి ఈ సాహసానికి పూనుకున్న ఆ అమ్మాయే... నర్సీపట్నం సమీపంలోని కొత్తకోటకు చెందిన కలగర్ల సాహితి. ఆ సాహసమే ఇప్పుడు ప్రతిష్ఠాత్మక ‘ఉత్తమ్‌ జీవన్‌ రక్షాపత]క్‌’ అవార్డుకు ఎంపికయ్యేలా చేసింది. సాహితి తండ్రి చిరువ్యాపారి. తల్లి ప్రభుత్వ పాఠశాల ప్రధానోపాధ్యాయురాలు. నీటిపై చేసే యోగాలో ఎన్నో అవార్డులని గెల్చుకుంది. ‘నీటిపై తేలుతూ ఒక రోజంతా ఉండే సామర్థ్యం ఉండటంతో ఈ సాహసాన్ని చేయగలిగా’ అని చెప్పింది సాహితి. గణతంత్ర దినోత్సవాన్ని పురస్కరించుకుని ఏటా ఈ అవార్డును రాష్ట్రపతి దిల్లీలో ప్రధానం చేస్తారు. ‘కొవిడ్‌ కారణంగా ఈ అవార్డులని స్థానికంగానే అందుకోనున్నా’ అంటోంది సాహితి.

-లంక రామచంద్రరావు, నర్సీపట్నం

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App