కొబ్బరినూనెనుఇలానూ వాడొచ్చు!

ఈ నూనె జుట్టుకు పోషణనిచ్చి పెరిగేలా చేస్తుంది. సౌందర్య ఉత్పత్తుల తయారీలోనూదీని వాడకం ఎక్కువే. అయితే కేవలం ఇవే కాకుండా ఈ నూనె వల్ల బోలెడు ప్రయోజనాలున్నాయి. అవేంటో తెలుసుకుందామా...

మేకప్‌ బ్రష్‌లు శుభ్రంగా...
మురికిపట్టిన మేకప్‌ బ్రష్‌లు హానికారక సూక్ష్మజీవులకు ఆవాసంగా మారతాయి. వీటిని ఉపయోగించడం వల్ల చర్మానికి హాని కలుగుతుంది. కాబట్టి వీటిని ఎల్లప్పుడూ శుభ్రంగా పెట్టుకోవాలి. కాస్త కొబ్బరినూనెలో కొన్ని చుక్కల నిమ్మ ఎసెన్షియల్‌ ఆయిల్‌ వేయాలి. దీంట్లో బ్రష్‌లను ముంచి తీసి గట్టిగా తుడిస్తే చాలు...

లెదర్‌ బ్యాగులు మెరిసేలా..
మీ దగ్గరున్న బ్యాగు పాతదిగా కనిపిస్తోందా... దూదిఉండను కొబ్బరి నూనెలో ముంచి బ్యాగును తుడిచి చూడండి. తళతళా మెరవడం ఖాయం. కేవలం బ్యాగులే కాదు... చెప్పులు, బూట్లు, లెదర్‌తో చేసిన వస్తువులన్నింటినీ కొబ్బరినూనెతో తుడిస్తే కొత్తవాటిలా మారతాయి.

డైపర్‌ దద్దుర్లు తగ్గించేలా...
చిన్నారులకు తరచూ డైపర్లను వాడతాం. అయితే ఒక్కోసారి వాటి వల్ల చర్మం ఎర్రగా కందిపోతుంది. దద్దుర్లు కూడా రావొచ్చు. ఈ సమస్యలను తగ్గించాలంటే దివ్యమైన ఔషధం కొబ్బరినూనే. ఆ ప్రాంతంలో రాస్తే దద్దుర్లు తగ్గి చర్మం మృదువుగా మారుతుంది.ఇనుప వస్తువుల తుప్పు వదిలేలా..
కొన్నిసార్లు కడాయి, పెనం లాంటి ఇనుప సామగ్రి ఎక్కువకాలంపాటు వాడకుండా ఉన్నట్లయితే తుప్పు పడతాయి. అలా కాకుండా ఉండాలంటే.. వాటికి కాస్తంత కొబ్బరినూనె పట్టించి చూడండి. రెండు గంటల తర్వాత శుభ్రమైన వస్త్రంతో తుడిస్తే సరి. ఇలా తరచూ చేస్తూ ఉంటే సమస్య మళ్లీ మళ్లీ ఉత్పన్నం కాదు.

మోచేతులు, కాలిమడమల నలుపు తగ్గేలా...
చలికాలంలోనే కాకుండా మామూలు రోజుల్లో కూడా ఈ రెండు ప్రాంతాలు ఎక్కువగా పొడిబారి నల్లగా మారతాయి. అంతేకాదు చాలాకాలంపాటు ఇలా ఉండటం వల్ల దురదా లాంటి సమస్యలూ మొదలవుతాయి. వీటన్నింటికీ కొబ్బరి నూనె చక్కటి పరిష్కారాన్ని చూపుతుంది. ఈ నూనెలో కొన్ని చుక్కల లావెండర్‌ను కలిపి మోచేతులు, మడమలకు రాయాలి. ఇలా చేస్తే చర్మానికి తగిన పోషణ లభించి తాజాగా మారుతుంది.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

మరిన్ని

రుచులు

App